Archive for the ‘Uncategorized’ Category

“ நமது பாராளுமன்றத்தில் மொத்தம் 225 எம்பிக்கள் உள்ளனர். 196 பேர் தேர்தல் மூலமும் மிகுதி 29 பேர்கள் தேசியப் பட்டில் மூலமும் தெரிவு செய்யப்படுகின்றனர்.
இதில் அதிர்ச்சியளிக்கும் விடயம் என்ன வென்றால், இவர்களில் 94 எம்பிக்கள் க.பொ.த. சாதாரணதரப் பரீட்சையில்கூட
சித்திபெறவில்லை! 25 பேர்கள் மட்டுமே பட்டதாரிகள். இத்தகவல்களை பேராதனைப் பல்கலைக்கழக முன்னாள் துணைவேந்தர் பேராசிரியர் எம்.ஓ.ஏ.டி சொய்சா மந்தாநாள் நடத்திய பத்திரிகையாளர் சந்திப்பில் கூறியிருந்தார்.
இந்த லட்சணத்தில், இவர்கள்தான் இலங்கை அரசின் சட்டவாக்காளர்களாம்”

அதற்கு ஒரு நண்பர் “படிப்பு அவசியம் இல்லை, நேர்மையும். திறனும் இருந்தால் போதும்” என்று கருத்து கூறியிருந்தார்.    

நான் அவரிடம் கேட்கிறேன் . 
படிப்பு அவசியம் கிடையாதா?  வெறுமனே நேர்மையானவர்களாகவும், ஆற்றல் உடையவர்களாகவும் இருந்தால் போதுமா? 
ஒரு சாதாரண தொழில் ஒன்றுக்கே  இப்ப ஏகப்பட்ட தகைமைகள் இருக்க வேண்டும் என எதிர்பார்க்கவில்லையா? 
நமது பெண்பிள்ளைக்கு வரன் தேடும்போது படித்த மாப்பிள்ளையை பார்த்து தேடுகிறோம்…. இல்லையா?    
நமது பிள்ளைகளை படித்த பிள்ளைகளுடன் பழக விடுகிறோம். காரணம் அப்பிள்ளைகள்  ஏழையாயினும் படித்திருந்தால் நல்ல பண்புடன்  இருக்கும் என்ற எதிர்பார்ப்பில் தானே?

அப்படி இருக்கும்போது நமது சார்பாக நாம் தெரிவு செய்து பாராளுமன்றத்திற்கு அனுப்பும் உறுப்பினர்கள்  கற்றவர்களாக இருக்கக் கூடாதா?
அதனால்தான் அங்கே எடுத்ததெற்கெல்லாம் கூச்சல் போடுகிறார்கள். பண்புடன் நடக்கிறார்களா? படிப்பறிவுள்ளவர்கள் அப்படி செய்வார்களா?

பாராளுமன்றம் என்றால் அது ஒரு சட்டவாக்கமன்றம். வெறுமனே கல்லினாலும் மண்ணினாலும் கட்டப்பட்ட கட்டிடம் அல்ல. பாரை  ஆளுகின்ற  மன்றம்.   அது மீயுயர்தன்மை வாய்ந்தது.  அங்குதான் நம்மை ஆளும் சட்டம்கள் இயற்றப்படுகின்றன. அதன் உறுப்பினர்கள்தான் அதை இயற்றுகிறார்கள். சட்டம் ஒன்று ஆக்க ப்படும்போது அதன் நோக்கம் என்ன? என்ன காரணத்திற்காக இயற்றப் படுகிறது?  அதன் உள் அர்த்தம் என்ன?  இதன் பின்விளைவுகள் என்ன? தன்னை சார்ந்த சமூகத்தை அச்சட்டம் எந்த வகையில் பாதிக்கும். இதெல்லாம் விளங்காமல்தான் பெரும்பான்மையானவர்கள் அங்கு கையை உயர்த்துகிறார்கள்.

அதற்காக அவர்கள் சட்டவல்லுனர்களாகவோ அல்லது சட்டம் படித்தவர்களாகவோ இருக்கவேண்டும் என்று சொல்லவில்லை. At least ஆகக்குறைந்த தகைமையான GCE A/L                 சித்தியடைந்தவர்களாகவாவது இருக்க வேண்டாமா? (ஏனெனில் ஆகக் குறைந்த தகைமை GCE O/L என்ற காலம் மலையேறிவிட்டது) 

சும்மா நேர்மையும், ஆற்றலும் மட்டும் இருந்தால் போதுமா?          எதிர்கட்சிக்காரர்  எது சொன்னாலும் அதற்கு கூப்பாடு போடமட்டும் தெரிந்தால் போதுமா? மேடையில் வாய் கிழிய எகன மொகனையுடன் பேச/ஏச மட்டும் தெரிந்தால் போதுமா? 

இதற்கு பொறுப்பு தாரிகள் யார்? நாம்தானே. எந்தவித தகுதியும் இன்றி  பிரதேச சபையில் நுழைந்து, அடாவடித்தனம் செய்து வெற்றிபெற்று, பின்னர் படிப்படியாக முன்னேறி, மாகாண சபை, அடுத்தது பாராளுமன்றத்திற்கும்  PROMOTION   கொடுக்கிறோம். ஆனால் ஒரு அரச அலுவலகத்தில் கல்வித்தகுதி இல்லாமல் அவ்வாறு பதவி உயர்வு கிடைத்துவிடுமா? 
நாம்தான் நமது கண்ணில் மண்ணைத் தூவுகின்றோம் என்பது ஏன் புரிவதில்லை.
                                                                                        சிந்தித்தால் விடை கிடைக்கும்.  
                                                                                                      முக்கிய குறிப்பு:  இதை நான் யாரையும் மனதில் வைத்து எழுதவில்லை. இது என் பொதுவான அபிப்பிராயம்  அவ்வளவுதான். யாருக்கும் சாதகமாகவும் எழுதவில்லை.  பாதகமாகவும் எழுதவில்லை.

Advertisements

image

கரையோர மாவட்டம் என்பதற்கும் இனப்பிரச்சினை தீர்வுக்கும் சம்பந்தமில்லை. எனவே தீர்வு தொடர்பான பேச்சுக்களில் தனி அலகு கோரிக்கையை முன்வைக்கலாமே தவிர அங்கு கரையோர மாவட்டத்தை பேசவேண்டியதில்லை என்பதைக்கூட அவர்களுக்கு  நினைவுபடுத்த வேண்டியிருக்கின்றது…..

——————————————————–
வடக்கு, கிழக்கு இணைப்பும்
கரையோர மாவட்டமும் !

‘சிறுபிள்ளை வேளாண்மை வீடுவந்து சேராது’ என்று சொல்வார்கள். எந்தவொரு விடயத்திலும் பக்குவப்படாத, அதனை விளங்கிக் கொள்ளாத, அதன் தார்ப்பரியத்தை அறிந்திராத சிறிய பிள்ளைகள் அல்லது சிறுபிள்ளைத்தனமானவர்களின் முயற்சிகள் வெற்றிபெறுவது நிச்சயமில்லை என்பதுதான் இதன் உள்ளர்த்தமாகும்.

முஸ்லிம் அரசியல் பரப்பில் தம்மை பெருந்தலைவர்கள் போல காட்டிக் கொள்கின்ற அரசியல் தலைவர்களும் அவர்கள் விடுகின்ற அறிக்கைகளும்  அவ்விடயம் பற்றி ஆழஅகலமாக சிந்திப்போருக்கு சிறுபிள்ளைத்தனமாகவே தெரிகின்றன. இனப்பிரச்சினை தீர்வு விடயத்திலும் முஸ்லிம்களின் அபிலாஷைகள் விடயத்திலும் சில அரசியல்வாதிகள் நடந்து கொள்கின்ற முறையை பார்த்தால் அவர்கள் விளக்கமற்ற குழப்பத்திற்கு ஆளாகி இருப்பதும் தானும் குழம்பி மற்றவர்களையும் குழப்புவதையும் காணக்கூடியதாக இருக்கின்றது. அதனால், தேசிய முக்கியத்துவம் வாய்ந்த எந்த விடயத்திலும் முஸ்லிம்களுக்குரிய பங்கு உறுதிப்படுத்தாமல் விடப்பட்டு விடுமோ என்ற நியாயமான சந்தேகம் ஏற்பட்டிருக்கின்றது.

குறிப்பாக, தேசிய இனப்பிரச்சினைக்கான தீர்வுத்திட்டம், வடக்கு, கிழக்கு மாகாணங்களின் இணைப்பு, கல்முனை கரையோர மாவட்டம், முஸ்லிம்களுக்கான தனி அலகு பற்றிய எந்த தெளிவான நிலைப்பாடுகளும் முஸ்லிம் அரசியல்வாதிகளிடத்தில் இல்லை. ஒரு முக்கியமான பரீட்சைக்காக முன்கூட்டியே படிக்காமல் பரீட்சை நிலையத்திற்கு சென்று, அந்த சந்தர்ப்பத்தில் நினைவுக்கு வருகின்ற எதையோ எழுதிவிட்டு வருகின்ற ஒரு மாணவனைப் போல, அந்தந்த சந்தர்ப்பத்தை சமாளிப்பதற்காக எதையாவது உளறி வைக்கின்ற போக்குகளை முஸ்லிம் அரசியல்வாதிகளிடம் பரவலாக காணமுடிகின்றது.

இதற்கு யாரும் விதிவிலக்கல்ல. ஒரு குறிப்பிட்ட தலைவரோ அரசியல்வாதியோ பிழை செய்கின்றார் என்றோ மற்றையவர்கள் எல்லோரும் மிகச் சிறப்பாக செயற்படுகின்றார்கள் என்றோ வரையறுக்க முடியாது. எல்லோரும் கிட்டத்தட்ட ஒரே விதமான போக்கையே கொண்டுள்ளனர். தமது அரசியல் எதிர்காலத்திற்கு அல்லது தான் சார்ந்திருக்கின்ற பெருந்தேசிய கட்சிக்கு ஏற்றாற்போல அடிக்கடி கொள்கைகளையும் நிலைப்பாடுகளையும் முஸ்லிம் அரசியல்வாதிகள் மாற்றிக் கொண்டு போகின்றனர். அதற்காக மக்களை முட்டாளாக்கும் நியாயங்களையும் முன்வைக்கின்றனர். எந்தப் பெரிய பிழையையும் சரியென நிரூபிப்பதற்கான சூட்சுமத்தை அவர்கள் அறிந்து வைத்திருக்கின்றனர்.
தீர்வுக்கான நேரத்தில்

இலங்கையில் இனப்பிரச்சினைக்கான தீர்வு ஏதோ ஒரு அடிப்படையில் முன்வைக்கப்படப் போகின்றது. அரசியலமைப்பை மறுசீரமைப்பதிலும், செயன்முறைகளிலும் சில தாமதங்கள் ஏற்பட்டிருந்தாலும் அரசாங்கம் தீர்வை முன்வைத்தேயாக வேண்டிய ஒரு நிலைக்கு வந்துள்ளமை கண்கூடு. இந்நிலையில், தமிழர் தரப்பு இணைந்த வடகிழக்கில் ஒரு நிரந்தர தீர்வை வேண்டி நிற்கின்றது. இதற்காக வடக்கு, கிழக்கை இணைப்பதற்கான பகீரத பிரயத்தனங்களை கடந்த சில வருடங்களாக தமிழர்கள் மேற்கொண்டு வருகின்றார்கள் என்று சொல்லலாம்.

ஆரம்பத்தில், ஸ்ரீலங்கா முஸ்லிம் காங்கிரஸ் கட்சியின் ஆதரவைப் பெற்றுக் கொண்டு தமிழ்த் தேசியக் கூட்டமைப்பு வடக்கு, கிழக்கை இணைக்கும் சாத்தியம் இருப்பதாக சொல்லப்பட்டது. மு.கா. தலைவர் ரவூப் ஹக்கீமின் போக்குகளும் அந்த சந்தேகத்தை வலுப்படுத்தியிருந்தன. ஆனால், அதன்பிறகு கிழக்கு மாகாண முஸ்லிம்களிடத்தில் இருந்து இவ் இணைப்பிற்கு எதிராக கடுமையான ஆட்சேப அலைகள் எழுந்தன. இணைப்பைக் கோருவோரும், அதற்கு ஆதரவளிப்போரும் விமர்சிக்கப்பட்டனர்.
ஆதலால் கிழக்கு மாகாணத்தில் வாழ்கின்ற முஸ்லிம்களின் ஆதரவு இல்லாமல், கிழக்குமாகாண அரசியல்வாதிகளின் ஒப்புதல் இல்லாமல் வேறு யாருடைய சம்மதத்தை பெற்றுக் கொண்டும் வடக்கு, கிழக்கு மாகாணங்களை இணைக்க முடியாது என்ற நிதர்சனத்தை தமிழ்த் தேசியக் கூட்டமைப்பு இப்போது உணர்ந்து கொண்டுள்ளது எனலாம். மறுபுறத்தில், தேசிய அரசியலிலும் இதற்கான நிகழ்வுகள் சற்றுக் குறைவடைந்திருக்கின்றன என்றே தோன்றுகின்றது. 

எனவே, கிழக்கு மாகாண முஸ்லிம்களின் ஒப்புதலை தமிழ்த் தேசியக் கூட்டமைப்பு பகிரங்கமாகவே இப்போது கோரி வருகின்றது. மு.கா. தலைவர் ஊடாகவோ அல்லது வேறு கட்சிசார் அரசியல்வாதிகளின் ஊடாகவோ மக்களின் ஆதரவை முழுமையாக திரட்ட முடியாது என்று நினைத்தோ என்னவோ, தமிழ் அரசியல்வாதிகள் ஊடகங்கள் வாயிலாக முஸ்லிம்களின் நிலைப்பாட்டை கோரி வருவதை அவதானிக்க முடிகின்றது. இது நல்லதொரு சமிக்ஞையும் ஆகும்.
தமிழ்த் தேசியக் கூட்டமைப்பின் தலைவர் உள்ளடங்கலாக அக்கூட்டமைப்பில் உள்ள பலரும் யதார்த்தத்தை புரிந்து கொண்டு முஸ்லிம்களின் வேண்டுதலை எதிர்பார்த்திருக்கின்றனர். அண்மையில் கிழக்கிற்கு வருகைதந்த வடமாகாண முதலமைச்சரும் முஸ்லிம் தரப்பு கோரிக்கை என்ன என்று கேட்டுவிட்டுச் சென்றிருக்கின்றார்.

வாழாவிருத்தல்

ஆனால், இவ்வளவு நடந்த பிறகும் முஸ்லிம் கட்சிகளும் அரசியல்வாதிகளும் இந்த மக்களுக்கு என்ன தேவை என்ற கோரிக்கையை உரிய முறையில் முன்வைக்கவில்லை என்பது மக்களிடையே விசனத்தை ஏற்படுத்தியிருக்கின்றது. உண்மையில் முஸ்லிம்கள் தமக்கு என்ன தேவை என்பதை தமிழ் தரப்பிடம் அன்றி அரசாங்கத்திடமே முன்வைக்க வேண்டும். ஏனெனில் இரண்டு தரப்பிற்கும் தீர்வை வழங்கப் போவது அரசாங்கமே ஆகும். ஆனால், இனப் பிரச்சினையால் பெரிதும் பாதிக்கப்பட்டு, தீர்வுத்திட்டம் ஒன்றை பெறுவதற்காக கடுமையாக பாடுபட்டுக் கொண்டிருக்கும் தமிழ் தரப்புடனும்; முஸ்லிம்கள் பேசி இணக்கம் காண வேண்டும். கடைசியில், தங்களுக்கு என்ன தேவை என்பதை கூட்டாக தீர்மானித்து, அதனை ஒரு ஆவணமாக முறைப்படி அரசிடம் சமர்ப்பிப்பதுடன், அதிலுள்ள விடயங்களை தமிழ் தரப்பிற்கும் தெரியப்படுத்த வேண்டும்.

ஆனால் இதனை எந்த முஸ்லிம் தலைமையும் இதுவரைச் செய்யவில்லை. முஸ்லிம் காங்கிரஸூம் சரி மற்றைய காங்கிரஸ்களும் சரி அரசியல்வாதிகளும் சரி….. ‘எல்லாம் நடந்து கொண்டிருக்கின்றது’ என்ற மாயையை உருவாக்கிவிட்டு ஒன்றுமே செய்யாமல் வாழாவிருக்கின்றனர். தீர்வுத்திட்டத்தில் என்ன தேவை என்பதை கேட்காமல் இருப்பது ஒருபுறமிருக்க, முஸ்லிம்களுக்கு என்ன தேவை? அதன் உள்ளடக்கம் என்னன?அதன் வடிவம் என்ன என்பது பற்றிய தெளிவும் இல்லாதவர்களாவே முஸ்லிம் அரசியல்வாதிகள் இருப்பதாக தெரிகின்றது.

விளக்கமில்லா அறிக்கை

வடக்கு, கிழக்கு இணைப்பு, முஸ்லிம் தனிஅலகு அல்லது மாகாணம், கரையோர மாவட்டம் என்ற கருப்பொருட்கள் முக்கியமானவை. ஆயினும், முஸ்லிம்கட்சித் தலைவர்கள் இவை பற்றி எல்லாவற்றையும் நன்றாக விளங்கிக் கொண்டுள்ள போதும் நிலைமைகளை சமாளிப்பதற்காக பாரதூரம் அறியாத கருத்துக்களை வெளியிடுகின்றனர். இதேவேளை கிழக்கில் இருக்கின்ற சில அரசியல்வாதிகளுக்குக் கூட கரையோர மாவட்டத்திற்கும் வடக்கு கிழக்கு இணைப்பிற்கும் தனிஅலகுக்கும் இடையில் இருக்கின்ற வித்தியாசமே தெரியாது. முஸ்லிம் அரசியலில் சிறுபிள்ளைத்தனங்கள் இப்படித்தான் இருக்கின்றன.

அண்மையில் அம்பாறை மாவட்டத்திற்கு விஜயம் செய்திருந்த முஸ்லிம் அரசியல் தலைவர் ஒருவர் “வடக்கு, கிழக்கு இணைப்பை மு.கா. எதிர்க்கவில்லை என்றும், கரையோர மாவட்டம் அல்லது முஸ்லிம் அலகு என்ற நிபந்தனையுடன் வடக்கு கிழக்கு இணைப்பு குறித்து பேசிவருகின்றோம்” என்ற கருத்தை தெரிவித்திருந்தார். தேசிய ஊடகங்களிலும் இது பிரசுரமாகியிருந்தது. முஸ்லிம் அரசியல் அவதானிகள் இக்கருத்தை கடுமையான விமர்சனத்திற்கு உள்ளாக்குகின்றனர். கரையோர மாவட்டம் என்பது என்ன? வடக்கு கிழக்கு இணைப்பு என்பது என்ன? என்ற அடிப்படை விளக்கமில்லாமல் அவர் இருக்கின்றாரா என்ற சந்தேகத்தை இந்த கேள்வி தோற்றுவித்திருக்கின்றது.
இது ஒருபுறமிருக்க மு.கா.வுக்குள் பிளவுகள் ஏற்படத் தொடங்கியிருக்கின்ற காகட்டத்தில், கடைசியாக நடைபெற்ற பேராளர் மாநாட்டின் தீர்மானங்களில் கரையோர மாவட்டக் கோரிக்கை உள்ளடங்கி இருக்கவில்லை. முஸ்லிம் காங்கிரஸின் மறைந்த தலைவரால் முன்வைக்கப்பட்டு வந்த இக் கோரிக்கை கிட்டத்தட்ட எல்லா பேராளர் மாநாட்டின் தீர்மானங்களிலும் உள்வாங்கப்பட்டிருந்தது. செயலாளர் நாயகமாக பதவி வகித்த எம்.ரி.ஹசன்அலி இதற்கு முக்கியத்துவம் கொடுத்து வந்தார்.

இந்நிலையில், தனிவழியில் பயணிக்க ஆரம்பித்திருக்கின்ற எம்.ரி. ஹசன்அலி அணியினர் கடந்த சில தினங்களுக்கு முன்னர் நிந்தவூரில் பொதுக்கூட்டம் ஒன்றை நடத்தியிருந்தனர். இக் கூட்டத்திற்கு யாரும் எதிர்பாராத அளவுக்கு பெருமளவிலான மக்கள் வந்திருந்தனர். இங்கு உரையாற்றிய ஹசன்அலி,  கரையோர மாவட்டம் தொடர்பில் கட்சிக்குள் சிலருக்கு விருப்பம் இருக்கவில்லை என்று கூறிய அவர், இதனைப் பெற்றுக் கொள்வதில் காட்டப்பட்ட அசிரத்தை சம்பந்தமாகவும் சுட்டிக்காட்டினார்.

அத்துடன் கடந்த ஜனாதிபதித் தேர்தலுக்கு முன்னர் பசில் ராஜபக் க்ஷவிடம் தான் அழைத்துச் செல்லப்பட்டதையும் கரையோர மாவட்டம் குறித்து அங்கு பேசப்பட்ட விடயங்களையும் கூட அவர் பிரஸ்தாபித்தார்.
இப்பின்னணியில், மு.கா. தலைவர் உள்ளடங்கலாக சகல முஸ்லிம் அரசியல் தலைவர்களும் அரசியல்வாதிகளும் மக்களும் இதுபற்றி பூரண தெளிவை பெற்றுக் கொள்ள வேண்டும். உரிமைகளை, பங்கை கேட்டுப் பெறுவதற்கு முன்னர் நமக்கு அதில் ஒரு தெளிவு இருக்க வேண்டும்.

தெளிவுபெற வேண்டியவை

தீர்வுத்திட்டமானது வடக்கு, கிழக்கு இணைந்த அடிப்படையில் இருக்க வேண்டும் என்று தமிழ் தரப்பு கருதுகின்றது. எனவே வடக்கு கிழக்கு இணைப்பு என்பது தேசிய இனப்பிரச்சினையுடன் தொடர்புபட்டதான விடயமாகும். ஆனால் கரையோர மாவட்டம் என்பதற்கும் இனப்பிரச்சினைக்கும் சம்பந்தமில்லை. அது தற்போதிருக்கின்ற அம்பாறை மாவட்டத்திற்குள் இன்னும் ஒரு மாவட்டத்தை உருவாக்குவது பற்றிய பொதுநிர்வாக செயன்முறையாகும். இதை முதலில் விளங்கிக் கொள்ள வேண்டும்.

வடக்கில் உள்ள தமிழர்களுடன் கிழக்கு தமிழர்களும் இணைந்து ஒரு அதிகார மையத்தின்கீழ் வாழ விரும்பினால் அதை கிழக்கில் உள்ள முஸ்லிம்கள் கொச்சைப்படுத்த முடியாது. ஆனால், வடக்கு, கிழக்கை இணைத்தால் தனி தமிழ் மாகாணம் ஒன்றும், தனி முஸ்லிம் மாகாணம் ஒன்றும் உருவாக்கப்பட வேண்டுமென முஸ்லிம்கள் கோர முடியும். அல்லது, நிலத்தொடர்பற்ற முஸ்லிம் மாகாணத்தை கோரலாம். அல்லது, சமஷ்டி முறையை கோர முடியும். அவ்வாறில்லாவிட்டால், தற்போதிருக்கின்ற அடிப்படையிலேயே வடக்கும் கிழக்கும் தனித்தனி மாகாணங்களாகவே இருக்க வேண்டுமென கோர முடியும்.

ஆனால், ஒருபோதும் கிழக்கு முஸ்லிம்கள் தமக்கு இவ்விதமான தீர்வுகள் எதுவும் தராமல் வடக்கு, கிழக்கை இணைப்பதற்கு ஒருபோதும் சம்மதிக்க மாட்டார்கள். யார் சொன்னாலும் அதை மக்கள் ஏற்றுக் கொள்ளப் போவதில்லை. ஏனெனில் வடக்கும் கிழக்கும் இணைக்கப்படின் முஸ்லிம்கள் ஒப்பீட்டளவில் நிறைய இழப்புக்களை சந்திப்பார்கள். அரசியல் அதிகாரம் இழத்தல், நிதி ஒதுக்கீடுகளில் குறைவு, வீதாசாரம் குறைதல் உள்ளடங்கலாக பல பாதிப்புக்கள் ஏற்படலாம்.

எனவேதான் கிழக்கு மக்கள் அவ்விணைப்பை எதிர்க்கின்றனர். அவ்வாறு இணைப்பதென்றால் தமது பங்கை உறுதிப்படுத்த வேண்டுமென கோருகின்றனர். அப்படிப் பார்த்தால், கரையோர மாவட்டம் என்பது தீர்வுத் திட்டத்தின் கீழான ஒரு சங்கதியும் அல்ல, முஸ்லிம்கள் எதிர்பார்க்கும் பங்கும் அல்ல. கரையோர மாவட்டத்தை பெற்றுக் கொண்டு இவ்விணைப்புக்கு இடம்கொடுக்கவும் முடியாது. தீா்வு தொடா்பான பேச்சுக்களில் தனி அலகு கோரிக்கையை முன்வைக்கலாமே தவிர அங்கு கரையோர மாவட்டம் குறித்து பேச வேண்டிய அவசியமில்லை.

கரையோர மாவட்டம்

மட்டக்களப்பு மாவட்டத்தில் இருந்து அம்பாறை மாவட்டம் பிரிந்த பொழுது ஆயிரத்திற்கும் குறைவான சிங்கள பதிவுசெய்யப்பட்ட வாக்குகளே தற்போதிருக்கின்ற அம்பாறை மாவட்டத்தில் இருந்தன. இருப்பினும் சிங்களப் பிரதேசமான அம்பாறையே மிகத் தந்திரமான முறையில் மாவட்டத்தின் தலைநகராக ஆக்கப்பட்டது. அம்பாறையில் கச்சேரி இருப்பதாலும் பெரும்பான்மை இனத்தவரே அரச அதிபராக கடமை புரிவதாலும் அந்த அகங்காரத்தில் அங்குள்ள சிங்கள அரசியல்வாதிகள் காட்டுகின்ற ஓரவஞ்சனையாலும், அன்றுமுதல் இன்று வரை கரையோரத்தில் வாழும் தமிழர்களும் முஸ்லிம்களும் இழந்தது ஏராளம்.

அன்றாட அரச பணிகள் தொடக்கம், காணிகள் அபகரிக்கப்பட்டது தொட்டு அபிவிருத்தி உத்தியோகத்தர்களுக்கு மோட்டார் சைக்கிள் வழங்கப்படாது வரைக்கும் நீண்டுசெல்லும் பல அநியாயமிழைப்புக்களுக்கு அம்பாறையின் அதிகார மையமே காரணம் என்றால் மிகையில்லை. எனவேதான், அம்பாறை மாவட்டத்திற்குள் கல்முனையை தலைநகராகக் கொண்டு கரையோர மாவட்டம் ஒன்று உருவாக்கப்பட வேண்டும் என்றும், அதில் தமிழர் அல்லது முஸ்லிம் அரச அதிபர் பதவிவகிக்க வேண்டுமென்றும் கோரப்பட்டு வருகின்றது. இதனால் இனி இழக்கப் போவதையாவது குறைக்கக் கூடியதாக இருக்கும்.
கரையோர மாவட்டம் என்பது வெறும் அரசியல்

கோஷம் அல்ல. அம்பாறை மாவட்டத்திற்குள் இன்னுமொரு நிர்வாக மாவட்டம் உருவாக வேண்டும் என்று பலமுறை அரசாங்க ஆணைக்குழுக்களே அடையாளம் கண்டுள்ளன. குறிப்பாக 1970களில் மொறகொட ஆணைக்குழு இதனை கல்முனை மாவட்டத்தை சிபாரிசு செய்திருந்தது. அதன்பிறகு அரசாங்கங்களுடன் மு.கா. செய்து கொண்ட ஒப்பந்தங்களிலும் இதற்கு உடன்பாடு காணப்பட்டது. ஆனால், பிற்காலத்தில் மு.கா. முழுமூச்சாக செயற்படாமையாலும், வேறு பல காரணங்களாலும் அக்கனவு நனவாகவில்லை.
ஆகவே, கரையோர மாவட்டம் என்பது கொழும்பு, யாழ்ப்பாணம், மட்டக்களப்பு போல ஒரு நிர்வாக
மாவட்டமாகும். அது பொதுநிர்வாக அமைச்சின் கீழ் அரசாங்க அதிபரின் அதிகாரத்தின் கீழ் செயற்படும். அது அன்றாட பொதுப் பணிகளை இலகுவாக்குமே தவிர, முஸ்லிம்களுக்கு அரசியல் அதிகாரத்தை வழங்கமாட்டாது.

மிகக் குறிப்பாக, தீர்வுத்திட்டத்தின் ஊடாக முஸ்லிம்கள் எதிர்பார்க்கின்ற எந்த அபிலாஷையையும் கரையோர மாவட்டம் நிறைவேற்றாது.
உண்மையில் கரையோர மாவட்டம், வடக்கு கிழக்கு இணைப்புக்கும் இடையில் எந்தத் தொடர்பும் இல்லை. மு.கா.வுக்கோ ஏனைய முஸ்லிம் கட்சிகளுக்கோ அரசாங்கத்தின் உதவியும் தைரியமும் அர்ப்பணிப்பும் இருந்தால் ஒரு விஷேட வர்த்தமானி அறிவித்தல் மூலம் கரையோர மாவட்டத்தை உருவாக்கலாம். இதற்கு யாருடைய சம்மதமும் கட்டாயமில்லை. அரசாங்கம் முடிவெடுத்தால் செய்யலாம்.

மாகாணங்கள் இணைதல்

ஆனால், வடக்கு கிழக்கு என்பது இதிலிருந்து வேறுபட்டது. இது நேரடியாக தீர்வுத்திட்டத்துடன் தொடர்புபடுகின்றது. இதனை இணைப்பது என்றால் முஸ்லிம்கள் சம்மதிக்க வேண்டும். அப்படி சம்மதிக்க வைப்பது என்றால் தனிமுஸ்லிம் மாகாணத்தையோ, சமஷ்டியையோ குறைந்தபட்சம் முஸ்லிம் தனி அலகையோ வழங்க வேண்டும். அதன்படியான இணக்கப்பாட்டின் அடிப்படையிலேயே வடக்கு, கிழக்கை இணைப்பதற்கு சம்மதம் தெரிவிக்கலாமே தவிர, கரையோர மாவட்டத்தைப் பெற்றுவிட்டு வடக்கு கிழக்கை இணைத்துக் கொடுக்க முடியாது.

இவ்விடயத்தில், பொதுவாக எல்லா முஸ்லிம் தலைவர்களும் இனப்பிரச்சினை தீர்வுத்திட்டம், வடக்கு கிழக்கு இணைப்பு, முஸ்லிம் மாகாணம், முஸ்லிம் அலகு, கரையோர மாவட்டம் என்பவை தொடர்பில் இவ்வாறான குழப்பகரமான நிலைப்பாட்டிலேயே இருக்கின்றனர். அவ்வாறானவர்கள் இவற்றின் உண்மையான அர்த்தங்களை கற்றுக் கொள்வதன் மூலம் முஸ்லிம்களின் அபிலாஷைகளை உறுதிப்படுத்த வேண்டும்.

முஸ்லிம்களின் அபிலாஷைக்கான அரசியல் நகர்வு என்பது சிறுபிள்ளை வேளாண்மை போல் ஆகிவிடக் கூடாது.

– ஏ.எல்.நிப்றாஸ் (வீரகேசரி 12.03.2017)

image

image

image

image

image

JABEER RAZI MOHAMED 

சமூகத்தின் பிடிசாபம்
********************************
(ஒருவரின் குறைகளை வெளிப்படுத்தஅனுமதிக்கப்பட்ட 6 சந்தர்ப்பங்களைப் பற்றி இமாம் நவவி கூறும்போது “இறுதியாக ஒரு தலைமைத்துவத்தில் இருக்கும் ஒருவர் அந்தப் பொறுப்புக்கு பொருத்தமானவரல்ல அல்லது அவர் ஒரு பாவி என்ற காரணங்களுக்காக தனது கடமையை நிறைவேற்றவில்லை எனும் சந்தர்ப்பங்களில் ஒருவர் அவரின் குறைகளை அவரின் மீது அதிகாரம் கொண்டவர்களிடம் குறிப்பிட்டு அவரை நீக்கவோ அல்லது அவருக்குப் பதிலாக இன்னொருவரை நியமிக்கவோ முயல வேண்டும்.அல்லது அவருக்குப் பொறுப்பாக இருப்பவர்கள் அவரின் குறைகளைப் பற்றி தெரிந்து கொள்வதன் மூலம் அவரோடு நடந்து கொள்ள வேண்டிய முறையை தெரிந்து கொள்வதோடு அவரால் ஏமாற்றப் படாமல் தவிர்ந்து கொள்ளலாம். இதன் மூலம் அவரை நேர்வழிப்படுத்த அல்லது பதவியில் இருந்து விலக்க முயலலாம்”-(அல் அத்கார், ஹிப்ழுல் லிஸான்,இமாம் நவவி)
*****
இறுதிப்பகுதி:
—————————
தனக்கு இனி இந்த உலகில் எதுவும் மீதியில்லை என்று குமாரி முடிவு செய்துகொண்டார்.தன்னை ஹக்கீமால் திருமணம் செய்ய முடியாது என்பதைப் புரிந்து கொண்டார்.ஹக்கீமின் அந்தப்புரத்தில் தானும் ஒருத்தியேயன்றி தனக்கென்றொரு தனியான இடம் எதுவும் ஹக்கீமிடம் இல்லை என்பதையும் புரிந்து கொண்டார்.ஹக்கீமிற்காக எல்லாவற்றையும் இழந்ததன் பின்னர் இனி இந்த உலகில் தனக்கு எதுவும் எஞ்சி இல்லை என்றவுடன் குமாரி இந்த உலகைவிட்டு விடைபெற முடிவு செய்தார்.

2004 09 23ம் திகதிக்குப் பின்னர் ஹக்கீமுடனனான பாலியல் தொடர்பை நிறுத்திக்கொண்டார்.அதன் பின்னர் மூன்று முறை தற்கொலை முயற்சி செய்தார். ஒரு முறை விஷம் அருந்தி ரத்த வாந்தியும் எடுத்திருந்தார்.
இவ்வாறு நாள்கள் நகர்ந்து கொண்டிருக்கையில் 2005 ஆகஸ்ட் 05ம் திகதி கொல்லுபிடியில் இருக்கும் குமாரியின் வீட்டிற்கு ஹக்கீம் குடிபோதையில் சென்றார்.குமாரியைப் படுக்கைக்கு அழைத்தபோது குமாரி மறுத்துவிட்டார்.அதனால் கோபம் கொண்ட ஹக்கீம் குமாரியை அடித்துவிட்டார்.

நிலைமை மோசமாவதைக் கண்டு குமாரி போலீசில் சென்று முறைப்பாடொன்றைப் பதிவு செய்தார். ஹக்கீம் தன்னைப் படுக்கைக்கு அழைத்து மறுத்ததால் தனக்கு அடித்ததாக அந்த முறைப்பாட்டில் சொல்லியிருந்தார். குமாரி இறந்ததன் பின்னர் கொல்லுப்பிட்டி பொலீஸ் அதிகாரி சிறிவர்தன அதனைக் குறிப்பிட்டிருந்தார். (பார்க்க இணைப்பு 01)

அன்று திகதி 2005 ஒக்டோபர் 05.ரமழான் மாதம்.ஹக்கீம் போதையில் இருந்தார்.அன்றிரவு தொலைக்காட்சியொன்றில் செய்திக்குப் பிறகு அவர் பேட்டி கொடுப்பதாக இருந்தது.ஆனால் அந்தப் பேட்டி சரியான நேரத்தில் நடைபெறவில்லை.பத்து நிமிடம் தாமதித்தே நடந்தது.காரணம் போதையில் இருந்தவரை தெளியவைத்துப் பேட்டிக்கு அனுப்புவதற்குத் தாமதமாகிவிட்டது. ஹக்கீம் வரும்வரைக்கும் தொலைக்காட்சியின் திரை பேட்டி நேரத்தில் வெறுமனே ஸ்தம்பிதமாகி நின்றிருந்ததை அந்தப் பேட்டியைப் பார்ப்பவர் இதனை அவதானிக்கலாம்.

அன்று ஹக்கீமின் கார்னிவல் இல்லத்தில் பட்டாணி மகேந்திரன் என்பவர் பாதுகாப்பு கடமையில் இருந்தார்.நேரம் நள்ளிரவைத் தாண்டியிருந்தது.
குமாரி ஹக்கீமின் வீட்டடிக்கு வந்தார்.தான் ஹக்கீமைச் சந்திக்கவேண்டும் என்றும் தன்னை உள்ளே விடுமாறும் வேண்டினார்.அனுமதி மறுக்கப்பட்டவுடன் சிறிது நேரம் சத்தம் போட்டுக் கத்த ஆரம்பித்தார்.ஹக்கீமுக்கு நல்லொரு பாடம் படிப்பிக்கின்றேன் என்று சொல்லிவிட்டு சென்றுவிட்டார்.

அதிகாலை சுமார் 3 மணியிருக்கும்.கார்னிவல் இல்லத்திற்கு ஒரு ஆட்டோ வந்துநின்றது. அந்த ஆட்டோவை சரத்சிறி குமார என்பவர் ஓட்டிக்கொண்டு வந்தார். அதிலிருந்து இறங்கிய குமாரி கதவைத் திறக்குமாறு மீண்டும் வேண்டினார்.கதவு திறக்கவில்லை.ஆட்டோவிலிருந்து ஒரு கலனை எடுத்து வந்தார்.அதற்குள் பெற்றோல் இருந்தது.தன்மீது பெற்றோலை ஊற்றிவிட்டு நெருப்பெட்டியை எடுத்தார்.கதவைத் திறக்காவிட்டால் நெருப்பைப் பற்றவைப்பதாக மிரட்டினார்.கதவு திறக்கப்படவில்லை. பற்றவைத்தார்.அவருடம்பில் நெருப்பு குபு குபு என்று எரிந்தது.பாதுகாவலர்கள் தண்ணீரைக் கொண்டுவர ஓடினார்கள்.கருகிய உடம்போடு கொஞ்சநேரம் ஓடிவிட்டு குமாரி கீழே சரிந்தார்.

சர்ஜன் உபாலி தண்ணீர் கொண்டு வந்த ஊற்றினார். வைத்தியசாலைக்கு குமாரியை அம்புலன்ஸில் அவசரமாக எடுத்துச் சென்றார்கள்.குமாரி இறக்கும்போது மாலை 4.30 மணியிருக்கும். மருத்துவமனையில் ‘மம ஹகீம்ட ஹுகாக் ஆதரய்’ (நான் ஹக்கீமை அதிகமாக நேசிக்கிறேன்) என்று மரணத்தறுவாயில் குமாரி கூறியதாக அன்றைய காலப்பகுதியில் வெளிவந்த தினகரன் பத்திரிகை கூறியிருந்தது.(பார்க்க.இணைப்பு 2 மற்றும் 3) குமாரியின் மருத்துவ அறிக்கையை வைத்தியர் ஹதுன் ஜயவர்த்தன சமர்ப்பித்தார்.அதனை அடிப்படையாக வைத்து கொழும்பு மாநகர பிரேத பரிசோதனை அதிகாரி எட்வார்ட் அஹங்கம இது தற்கொலைதான் என்று நீதிமன்றத்திற்கு வாக்கு மூலம் கொடுத்தார்.குமாரி கூரேயின் விசாரணையை குற்றப்புலனாய்வுத்துறைக்கு கையளிக்குமாறு கொல்லுபிட்டி பொலிஸ் பொறுப்பதிகாரி சிறிவர்தனவிற்கு பணித்தார்.குமாரியின் மரணத்தில் பாரிய சந்தேகங்கள் இருக்கின்றன.இந்தத் தொடரின் நோக்கம் அதுவில்லை என்பதால் கடந்து செல்வோம்.

இதுதான் குமாரி கூரே என்ற ஒரு அப்பாவிப்பெண்ணின் கதை.எங்கள் அரசியல் தலைவரால் அநியாயமாக ஏமாற்றப்பட்ட பெண்ணின் கதை.அன்று ஹக்கீமிற்குப் பிடித்த சனி இன்று வரைக்கும் ஓயவில்லை. அன்றிலிருந்து அவரின் அரசியல் நகர்வுகளை எல்லாம் இந்த விவகாரமும் இதைப் போன்ற இன்னும் சிலதும்தான் தீர்மானித்திருக்கின்றன.வாக்குப்போட்ட நாம் அல்ல.இரவு பகலாக கட்சி வளர்தவர்கள் அல்ல.முஸ்லீம் காங்கிறசை ஒரு காபிர் பெண் தீர்மானித்திருக்கிறாள்.ஹக்கீமின் கையில் கட்சியைக் கொடுத்ததால் வந்த வினை இது.
குமாரி கூரேயின் விவகாரத்தை வைத்து ஹக்கீம் நன்றாக மிரட்டப்பட்டிருக்கிறார் என்பது மட்டும் நிச்சயமாகத் தெரிகிறது..வேறுவழியில்லாமல் முஸ்லீம்களின் அரசியல் அபிலாஷைகளை விற்று ஹக்கீம் தன்னைக் காத்துக்கொண்டு வந்திருக்கிறார் என்று புரிகிறது.எப்படி என்று பார்ப்போம்.

ஹக்கீமின் 3 பாரிய குற்றச் செயல்கள் சம்பந்தமான பைல்களை மஹிந்த வைத்துக்கொண்டிருந்தார்..
ஒன்று பொருளாதார நிர்வாக சட்ட ஒழுங்கு முறைகளை மீறி ஒரு முஸ்லீம் வியாபாரியிடமிருந்து கப்பலொன்றை வாங்கியமை.இரண்டாவது மாணவர்களை சட்டக்கல்லூரிக்கு அனுபதிப்பதற்காக அவர்களிடமிருந்து பத்து லட்சம் ரூபாவை அவருடைய இணைப்புச் செயலாளர் ஹசன் பாயிஸ் என்பவரினூடாக பெற்றுக்கொண்டமை.அதற்காக 9 பக்கங்கள் கொண்ட வாக்குமூலங்கள் பதியப்பட்டிருந்தன.மூன்றாவது குமாரி கூரேயின் விவகாரம் சம்பந்தமாக 16 வாக்குமூலங்கள்,மற்றும் வீடியோக்கள் அடங்கிய பைல்.இது தவிர இரண்டு கற்பழிப்புக் குற்றங்கள் சம்பந்தமான பைல்.(பார்க்க.இணைப்பு 4 மற்றும் 5)
இவற்றை வைத்துத்தான் மஹிந்த ஹக்கீமை ஆட்டிப்படைத்திருக்கிறார். ஹக்கீமின் இந்த விவகாரத்தைக் கையாள பிரதான பொலீஸ் அதிகாரி இந்துனில் மேற்பார்வையின் கீழ் சர்ஜன் பண்டார என்பவர் நியமிக்கப்பட்டிருந்தார்.

இந்த பைல்கள் வெளியே வந்துவிடும் என்ற பயத்தினால்தான் ஹக்கீம் அவர்கள் மஹிந்தவின் காலோடு ஒட்டிக்கிடந்தார்.இறுதி ஜனாதிபதி தேர்தலில் மஹிந்தவை விட்டு வரமுடியாது என்று ஒற்றைக்காலில் நின்றவர் ஹக்கீம்.ஹசனலி சென்றுவிடுவார்,ரிஷாட் ஏற்கனவே சென்றுவிட்டார் என்ற நிலையில்தான் வேறுவழியின்றி ஹக்கீம் மைத்திரியோடு இணைந்துகொண்டார் என்பதே திரைக்குப் பின்னால் நடந்த உண்மைகள்.

அப்படியென்றால் முந்தைய அனைத்து சந்தர்ப்பங்களிலும் ஹக்கீம் மஹிந்தவுக்கு எதிராகத்தானே தேர்தலில் வேலை செய்தார் என்ற கேள்வி பலருக்கு வருவது நியாயமானது.எந்தவொரு சந்தர்ப்பத்திலும் ஹக்கீமை விட்டுப் போக நினைக்கவில்லை.வேறு புறக்காரணங்களால்தான் அவர் மஹிந்தவைவிட்டுப்  போகவேண்டிவந்தது. அப்படிப்போனபோதும் தனக்கு மஹிந்தவால் ஆபத்து வரும் என்று பயந்து கொண்டே இருந்தார்.2005 தேர்தலில் ரனில் வெற்றி பெறுவார் என்று எல்லோரும் நம்பினார்கள்.புலிகள் வடக்கில் வாக்களிக்க விடமாட்டார்கள் என்று யாரும் நம்பவில்லை. அதனால்தான் ரனில் தோற்றார்.ரனில் வெற்றிபெற்றால் மஹிந்த தன்னைச் சீண்டுவதைவிட்டு ரனிலிடம் அடைக்கலம் தேடலாம் என்று ஹக்கீம் நினைத்திருந்தார்.அது நடக்காத போது மீண்டும் மஹிந்தவோடு சேர்ந்து கொண்டார்.2010 தேர்தலில் சரத் பொன்சேகா வெல்வார் என்று ஹக்கீம் எதிர்பார்தார். அதே கதை.மஹிந்த வென்றவுடன் அவருடன் ஒட்டிக்கொண்டார்.இறுதியாக நடந்த ஜனாதிபதித் தேர்தலில் மைத்திரி வெல்வாரா மஹிந்த வெல்வாரா என்பது குழப்பமாக இருந்தது.அதனால்தான் தபால் மூல வாக்கெடுப்பு வரைக்கும் ஹக்கீம் மஹிந்தவோடு இருந்தார்.ஹக்கீமின் நல்ல காலம் மஹிந்த தோற்றறுவிட்டார்.மஹிந்த வென்றிடுந்தால் ஹக்கீம் மீண்டும் போய் சேர்ந்திருப்பார்.

அது மட்டுமல்ல அன்றே குமாரி கூரே விவகாரம் சம்பந்தமாக ஜம்மியதுல் உலமாவினால் ஹக்கீம் விசாரிக்கப்பட்டிருந்தார்.அந்த விசாரணையின் போது ஜம்மியதுல் உலமாவின் தலைவர் ரிஸ்வி முப்தி,அன்றைய செயலாளர்,மு.காவின் ஷூரா சபை உறுப்பினர் கலீல் மௌலவி,முன்னாள் பாராளுமன்ற உறுப்பினர் நிஜாமுதீன்,மற்றும் முன்னாள் தவிசாளர் பஷீர் சேகு தாவூத் என்போரின் முன்னிலையில் ஹக்கீம் தனது குற்றத்தை ஒப்புக்கொண்டார்.அதற்கான உத்தியோக பூர்வ ஆவணமும் ஜம்மியதுல் உலமாவில் இருப்பதாக எனக்குச் செய்தி கிடைத்தது.ஹக்கீம் குற்றத்தை ஒப்புக்கொண்டவுடன் ஏன் ஜம்மியதுல் உலமா அவரை பதவியை விட்டு ராஜனாமாச் செய்யச் சொல்லவில்லை என்பது இன்னும் புரியவில்லை.

அது மட்டுமல்லாது இறுதியாக நடந்த கட்டாய உயர் பீடக்கூட்டத்திலும் ஹக்கீம் தனக்கும் குமாரிக்கும் இடையில் இருந்த தொடர்பை ஏற்றுக்கொண்டிருந்தார் என்பது மேலதிகமான தகவல்.

ஏன் இத்தனை தூரம் பலவருடங்களுக்கு முன்னர் நடந்த ஒரு விவகாரத்தை பகுதி பகுதியாக நான் எழுதவேண்டும் என்ற கேள்வி சிலருக்கு எழுலாம். குமாரிக்கூரேயின் விவகாரம் மட்டும்தான் ஹக்கீம் செய்த தவறு அல்ல.இதைப் போல பல விவகாரங்கள் இருக்கின்றன. நான் இன்னம் எழுதினால் திருமணம் முடிக்காத பல பெண்களின் வாழ்க்கைகள் அம்பலமாகிவிடும். அப்பெண்கள் தனிமனிதர்கள் என்பதால் அதனை நான் தவிர்ந்து கொள்ள விரும்புகிறேன்.ஒரு பானைச் சோற்றுக்கு ஒரு சோறு பதம் என்பதனால் இத்தோடு நிறுத்திக்கொள்ள நினைக்கிறேன்.

எனது நோக்கம் ஹக்கீம் அரசியலுக்கு சரியில்லை என்பதை மூன்று வகையான கோணங்களில் நிரூபிப்பது.

முதலாவது அவர் அகீதா ரீதியாக சரியில்லை என்பது,

இரண்டாவது அவர் ஒழுக்க ரீதியாக சரியில்லை என்பது,

மூன்றாவது அவர் அரசியல் ரீதியாக சரியில்லை என்பது.

ஹக்கீம் ஒழுக்க ரீதியாக சரியில்லை என்பதும்,அது எமது அரசியலை எவ்வாறு பாதித்தது என்பதையும் நான் இதுவரைக்கும் ஆதாரங்களோடு நிரூபித்திருக்கிறேன். எனது அடுத்த பதிவு ஹக்கீம் அகீதா ரீதியாக இஸ்லாத்தை விட்டு வெளியேறும் குற்றத்தை இழைத்திருக்கிறார் என்பதை நிரூபிப்பதாக இருக்கும். அதற்கு அடுத்தது அவரின் அரசியல் தவறுகளை வீடியோ வடிவில் வெளியிடலாம் என்றிருக்கிறேன்.

நான் ஒரு வார்த்தையில் குமாரி கூரேயின் விவகாரத்தை எழுதி முடித்திருக்கலாம்.ஆனால் எமது மக்கள் அதை நம்பியிருக்க மாட்டார்கள்.இன்னும் எமது மக்கள் ஹக்கீமை ஒரு அவ்லியாவின் தரத்திற்கு வைத்துக்கொண்டிருக்கிறார்கள்.குறிப்பாக எமது பெண்கள்
.ஹக்கீம் ஒரு உத்தம புத்திரன்,அவர் முஸ்லீம்களுக்காக பாடுபடுகிறார் என்று இன்னமும் அரசியலைப் புரியாமல் கண்மூடிகளாக நம்பியிருக்கும் மக்களுக்கு ஒரு வார்த்தையில் இவைகளைச் சொன்னால் சொல்பவனைப் பைத்தியம் என்பார்கள்.நான் எடுத்த இந்த முயற்சி, ‘’இல்லை.உங்கள் தலைவர் நீங்கள் நினைப்பது மாதிரி நல்லவர் இல்லை என்பதைக் காட்டுவதற்காகத்தான்.

இந்தத் தொடர் மூலம் ஹக்கீமை வீழ்த்த முடியாது.ஆனால் இத்தொடரால் அந்த மலையில் மிகப்பெரிய வெடிப்பு விழுந்திருக்கின்றது.அதை முகநூலில் உணர முடிகிறது. நாளை அந்த வெடிப்பு இன்னும் பெரிதாகும்.உண்மைகளை நாம் மெதுவாக உரக்கச் சொல்லும்போது அந்த மலை சுக்குநூறாகச் சிதறிவிடும்.அது மெதுமெதுவாக நடக்கும்.பொறுத்திருந்து பார்ப்போம்.இன்ஷா அல்லாஹ்.

முகநூலும்,இணையமும் எமது முழு சமூகத்தையும் பிரதி நிதித்துவப்படுத்தாது. ஆனால் எமது சமூகத்தின் பெரும்பாலான இளைஞர்களை முகநூல் பிரதிநிதிதுவப்படுத்துகிறது. என்னோடு தொடர்புகொள்ளும் பல இளைஞர்களின் உணர்வுகளையும், ஆதங்கங்களையும், வரவேற்பையும்,ஆதரவையும் நான் கண்ணீரோடு ஆகார்ஷிக்கிறேன்.

இது முகநூலோடு நின்றுவிடக்கூடாது.இதனை வாக்களர் மட்டத்திற்கு நாம் எடுத்துச் செல்ல வேண்டும். ஒரு விபச்சாரன்,அதுவும் வயது முதிர்ந்த விபச்சாரன்,தான் செய்த விபச்சாரத்தால் இணைவைப்பு வரைக்கும் சென்ற ஒரு மனிதன்,ஒரு அந்நியப் பெண்ணுடன் விபச்சாரம் செய்த மனிதன்,அவளின் மரணத்திற்கு காரணமாக இருந்த மனிதன்,அவனது காமத்தால் எமது சமூகத்தை அந்நியனின் காலடியில் கட்டிவிட்ட மனிதன் தான் இன்று முஸ்லீம் காங்கிறஸ் எனும் மாபெரும் கட்சியின் தலைவனாக இருக்கிறான்.தனக்குள் இருக்கும் அனைத்து அசிங்கங்களையும் மூடி மறைத்துக் கொண்டு கிழக்குப் பக்கம் வரும்போது ஒரு புன்னகையை அணிந்து கொண்டு வருகிறான்.நஹுமதுஹு வனுசல்லி அலா ரசூலிஹில் கரீம் என்று ஆரம்பிக்கிறான்.நாம் மயங்கிவிடுகிறோம். அவன் மாய வலையில் வீழ்ந்து விடுகிறோம்.இதனை எமது தாய்மார்களுக்கும்,படிக்காத மக்களுக்கும் புரியவைக்கவேண்டும்.அதற்கான அடுத்த முயற்சியில் நாம் இறங்க வேண்டும்.

முடியுமானவர்கள் இதனை பள்ளிவாசல்களின் பகிருங்கள்.மக்களுக்கு எடுத்துச் சொல்லுங்கள்.எமது பெண்களிடம் விளங்கப்படுத்துங்கள்.இது மட்டுமல்ல.இது போல் பல இருக்கின்றன என்று சொல்லுங்கள்.இதன் ஓடியோ வடிவம் தயாராகிவிட்டது,அதனை வட்ஸப்புகளில் பரப்புங்கள்.

ஒரு சுயாதீனமான இளைஞர் படையொன்றை நாம் உருவாக்க வேண்டும்.அது ஹக்கீமுக்கு எதிராக போர்க்கொடி தூக்கவேண்டும்.அவர் எம்மைத் தலைமை தாங்குவதற்கு எந்தத் தகுதியும் இல்லாத ஒருவர் என்பதை நாம் எடுத்துச் சொல்லவேண்டும்.இதனை அரசியலில் உள்ளவர்கள் செய்தால் மக்கள் ஏற்றுக்கொள்ளமாட்டார்கள். அரசியலுக்கு வெளியே இருக்கும் சமூக நலன் கொண்ட இளைஞர்கள்தான் இதனை முன் நின்று செய்யவேண்டும்.நாளை அநியாயக்கார ஆட்சியாளனை அடக்குவதற்கு சக்தி இருந்தும் அமைதியாக இருந்ததற்காக அல்லாஹ்வின் தண்டனை இருக்கிறது என்பதையும் நாம் மறந்துவிடக்கூடாது.ஹக்கீமை தலைவராக ஏற்றதற்காக நான் எனது இறைவனிடம் தண்டனை அனுபவிக்கத் தயாரில்லை.நீங்கள் தயாரா என்பதை நீங்களே தீர்மானித்துக்கொள்ளுங்கள்.

குமாரி கூரேயின் விவகாரத்தால் ஒரு நன்மை நிகழ்ந்திருக்கிறது.எமது இளைஞர்கள் விழித்துக்கொண்டார்கள். அரசியல் அவதானம் ஒன்று உதித்திருக்கிறது.எந்த சமூகத்தில் இளைஞர்கள் விழித்துக்கொள்கிறார்களோ அந்த சமூகத்தில் அநீதியான அரசியல்வாதிகள் அழிந்துவிடுவார்கள். ஹக்கீமின் அழிவு ஆரம்பித்துவிட்டது.

அல்லாஹ் எமது சமூகத்திற்கு ஒரு அழகான அரசியல் விடுதலையத் தருவானாக.
முடிந்தது. இனித் தொடரும்….

image

“ஸ்ரீலங்கா முஸ்லிம் காங்கிரசுக்கு நமது சமூகம் வழங்கிய வாக்கின் பலத்தினை வைத்துக் கொண்டு, அந்தக் கட்சியானது நமது இளைஞர்களிடையே போதைப் பழக்கத்தினை ஏற்படுத்தியுள்ளது. அந்தக் கட்சியிலுள்ள சிலர் நமது பெண்களை படுக்கைக்கு அழைக்கின்றனர்” என்று, அந்தக் கட்சியின் உயர்பீட உறுப்பினரும், அட்டாளைச்சேனை பிரதேச சபையின் முன்னாள் தவிசாளருமான சட்டத்தரணி எம்.ஏ. அன்சில் கவலை தெரிவித்தார்.

“மு.காங்கிரசின் முக்கியஸ்தர் ஒருவரினால் பாலியல் உறவுக்காக அழைக்கப்பட்ட சகோதரியொருவர், என்னிடம் கண்ணீர் விட்டழுது அந்த விடயத்தைக் கூறினார். அதனை கட்சித் தலைவரிடம் சென்று நான் முறையிட்டேன். ஆனால், அது குறித்து தலைவர் விசாரிக்கவில்லை. விசாரிக்கும் நிலையில் தலைவரும்  இல்லை” என்றும் அவர் கூறினார்.

மரத்தின் வேர்களுக்கு விளம்பல் எனும் தலைப்பில், மு.காங்கிரசின் தலைவரினால் சமூகத்துக்கும், கட்சியின் முன்னாள் செயலாளர் நாயகம் ஹசனலிக்கும் இழைக்கப்பட்ட அநியாயங்கள் தொடர்பில் விளக்கமளிக்கும், இரண்டாவது பொதுக்கூட்டம், நேற்று வெள்ளிக்கிழமை இரவு பொத்துவிலில் இடம்பெற்றது.

மு.கா.வின் முன்னாள் செயலாளர் நாயகம் எம்.ரி. ஹசனலி பிரதம அதிதியாகக் கலந்து கொண்ட, இக்கூட்டத்துக்கு பொத்துவில் பிரதேச சபையின் முன்னாள் பிரதி தவிசாளர் எம்.ஏ. தாஜுதீன் தலைமை தாங்கினார்.

மேற்படி கூட்டத்தில் கலந்து கொண்டு உரையாற்றும்போதே, உயர்பீட உறுப்பினர் அன்சில் இவ்வாறு கூறினார்.

அவர் அங்கு மேலும் தெரிவிக்கையில்;

“நாங்கள் வழங்கிய வாக்கினூடாக மு.காங்கிரசுக்குள் அதிகாரத்துக்கு வந்தவர்கள், பஞ்சமா பாதகங்கள் அனைத்தினையும் செய்து கொண்டிருக்கிறார்கள். அவர்களை மீண்டும் மாகாணசபை மற்றும் நாடாளுமன்ற தேர்தல்களில் நிறுத்தி விட்டு, அவர்களை கறைபடியாத கரங்களையுடையவர்கள் என்றும், தானைத் தளபதிகள் என்றும், எம்மால் இனி ஒருபோதும் புகழ்பாட முடியாது.

தானைத் தலைவர் என்று, எங்கள் கட்சியின் தலைவரைப் பார்த்து இனிமேல் என்னால் கூற முடியாது.

ஏராளமான பஞ்சமா பாதகங்கள் இந்தக் கட்சிக்குள் நடக்கின்றன. அவ்வாறு பாதகச் செயல்களைப் புரிகின்றவர்களை விசாரியுங்கள் என்று தலைவரிடம் கூறினால், எங்களைக் கேள்வி கேட்பதற்கு, தலைவர் என்ன சுத்தமானவரா என்று, சம்பந்தப்பட்டவர்கள் எங்களிடம் கேட்கின்றார்கள்.

நமது கட்சிக்குள் நடந்துள்ள அசிங்கங்கள் பற்றி மேலோட்டமாகவே நான் கூறுகின்றேன். அவை குறித்து ஆழமாகப் பேசுவதற்கு கூச்சமாகவுள்ளது. ஆனாலும், அவை குறித்து பேசி வேண்டியேற்பட்டால், பேசுவோம். விடமாட்டோம்.

அஷ்ரப்பின் கொள்கைகள் இந்தக் கட்சிக்குள் மீளவும் கொண்டு வரப்பட வேண்டும். நாங்கள் மூளைச் சலவை செய்யப்பட்டு விட்டதாக சிலர் கூறிக் கொள்கின்றனர். அதனால்தான், இவ்வாறான மேடைகளில் நாங்கள் ஏறுவதாகவும்  பேசிக் கொள்கின்றனர். இதுவெல்லாம் தேவையற்ற கதைகளாகும். எங்களை வேறெருவர் மூளைச் சலவை செய்யுமளவுக்கு, நாங்கள் மந்த புத்தியுடையவர்களல்லர்.

எமது கட்சிக் கீதத்துக்கு எழுந்து நின்று நாங்கள் மரியாதை செய்கின்றோம். அந்தக் கீதத்திலுள்ள கருத்துக்களுக்காவே நாம் அவ்வாறு மரியாதை செய்கின்றோம். அசத்தியம் ஒழிக, சூது ஒழிக என்று நமது கட்சிக் கீதத்தில் கூறப்படுகிறது. ஆனால், அந்த அசத்தியமும், சூதும் நமது கட்சிக்குள் மலிந்து கிடக்கும் போது, நாம் எவ்வாறு நமது கட்சிக் கீதத்துக்கு மரியாதை செய்வது.

மு.காங்கிரசின் உயர்பீடத்தில் நேர்மையாகப் பேசி, எதையும் சாதிக்கக்கூடிய நிலைமை இல்லை. அப்படி யாராவது பேசி விட்டால் தலைவர் அதை சாணக்கியமாக கையாண்டு, தட்டிக்கழித்து விடுவார். தலைவர் விரும்பாத ஒரு விடயத்தை உயர்பீடத்தில் ஒருவர் பேசினால், அதற்கு மாற்றுக் கருத்துடையவர்களை பேச வைத்து, சம்பந்தப்பட்டவரை தலைவர் மட்டம் தட்டி விடுவார்.

மு.காங்கிரசின் உயர்பீடத்தில் கேள்விகளுக்கு இடமில்லை. அங்கு கேள்விகள் கேட்க முடியாது. நீண்ட காலமாக, அங்கு நாங்கள் போராடியிருக்கின்றோம். நாம் பேசிய எந்த விடயங்களும் தீர்மானமாக வருவதில்லை. அதனால்தான், வாக்களிக்கும் மக்களளிடம் இவற்றையெல்லாம் சொல்வதைத் தவிர வேறு வழியில்லை என்கிற முடிவுக்கு வந்தோம்.

இந்தக் கட்சி, அஷ்ரப்புடைய கட்சியாக மாறவேண்டும். எந்தக் கொள்கைகளுடன் அஷ்ரப் இந்தக் கட்சியினைக் கொண்டு வந்தாரோ, அந்தக் கொள்கைகள் இந்தக் கட்சிக்குள் வரவேண்டும். அதனை செயற்படுத்துவதற்காகத்தான் மக்களிடம் இவ்வாறு நாங்கள் வந்துள்ளோம்

“பிரம்பு”

Posted: மார்ச் 11, 2017 by மூஸா in Uncategorized

image

முகம்மது தம்பி மரைக்கார் –

ஏட்டிக்குப் போட்டியாக மு.காங்கிரசின் இரண்டு கூட்டங்கள் கடந்த வாரம் நிந்தவூரில் நடைபெற்றன. முஸ்லிம் காங்கிரசின் முன்னாள் செயலாளர் நாயகம் எம்.ரி. ஹசனலி கலந்து கொண்ட கூட்டம், அவரின் சொந்த ஊரான நிந்தவூரில் கடந்த வெள்ளிக்கிழமை நடைபெற்றது. மு.காங்கிரசின் தலைவர் ரஊப் ஹக்கீம் தனக்கும், சமூகத்துக்கும் ஏகப்பட்ட அநியாயங்களைச் செய்ததாக, அந்தக் கூட்டத்தில் கூறிய ஹசனலிளூ அவற்றினை பட்டியலிட்டுப் பேசினார். மறுநாள் சனிக்கிழமை, மு.கா. தலைவர் ரஊப் ஹக்கீம் நிந்தவூருக்கு வந்து, கூட்டமொன்றில் கலந்து கொண்டார். ஹசனலியின் கூட்டத்துக்கு பதிலடியாக அந்தக் கூட்டம் அமைந்தது. ஹசனலியின் கூட்டம் திறந்த வெளியிலும், ஹக்கீமுடைய கூட்டம் பிரதேச சபை மண்டபத்திலும் நடைபெற்றன.

ஹசனலியின் கூட்டத்தை, நிர்தவூர் பிரதேச சபையின் முன்னாள் தவிசாளரும், மு.காங்கிரசின் உயர்பீட உறுப்பினருமான எம்.ஏ.எம். தாஹிர் தலைமையேற்று நடத்தினார். அந்தக் கூட்டத்தை நடத்துவதற்கு, அட்டாளைச்சேனை பிரதேச சபையின் முன்னாள் தவிசாளரும், மு.காங்கிரசின் உயர்பீட உறுப்பினருமான சட்டத்தரணி எம்.ஏ. அன்சில் முன்னின்று செயற்பட்டார். ஹசனலியின் கூட்டத்தில் பொத்துவில் பிரதேச சபையின் முன்னாள் பிரதி தவிசாளர், அட்டாளைச்சேனைப் பிரதேச சபையின் முன்னாள் உறுப்பினர்கள் இருவர் உட்பட பலர் கலந்து கொண்டு பேசினார்கள். பெருந்திரளான மக்கள் கூட்டத்தைக் காண்பதற்கு வந்திருந்தனர்.

ஹசனலியின் கூட்டத்தை நடத்துவதற்கு சம்மாந்துறை பொலிஸாரிடம் கூட்ட ஏற்பாட்டாளர்கள் எழுத்து மூலம் அனுமதி கோரியிருந்தனர். ஆனால், அனுமதி வழங்க முடியாது என்று, கூட்டம் நடைபெறவிருந்த தினம் சம்மாந்துறை பொலிஸார் கூறிவிட்டனர். இதனையடுத்து, கூட்ட ஏற்பாட்டாளர்கள், விடயத்தை நீதிமன்றம் கொண்டு சென்றார்கள். கூட்டத்தை நடத்துவதற்கு நீதிமன்றம் அனுமதி வழங்கியது. ஹசனலி தரப்பினருக்கு இது உற்சாகம் தரும் வெற்றியாக அமைந்தது.

மு.காங்கிரசின் பிரதி தேசிய அமைப்பாளரும், சுகாதார பிரதியமைச்சருமான பைசால் காசிமும் நிந்தவூரை சொந்த இடமாகக் கொண்டவராவார். இவர் ஹக்கீம் தரப்பைச் சேர்ந்தவர். ஹசனலியின் கூட்டத்துக்கு பைசால் காசிம் தரப்பினர் – களத்தில் நின்று நேரடி எதிர்ப்பினை வெளியிடுவார்களென எதிர்பார்க்கப்பட்டது. ஆனால், அப்படியெதுவும் நடக்கவில்லை.

ஹசனலியின் கூட்டத்துக்கு பதிலடியாக நிந்தவூரில் நடைபெற்ற மு.கா. தலைவரின் கூட்டத்தை, ஹசனலியின் இளைய சகோதரரான ஜப்பார் அலி என்பவர் தலைமையேற்று நடத்தினார். குறித்த கூட்டத்துக்கு ஹக்கீம் வருகை தருவதற்கு எதிர்ப்பினைத் தெரிவிக்கும் வகையில், வீதியில் டயர்கள் எரிக்கப்பட்டன. ஹக்கீம் வருவதற்கு முன்பாக, எரிந்து கொண்டிருந்த டயர்களை கூட்ட ஏற்பாட்டாளர்கள் அணைத்து விட்டனர். அந்தக் கூட்டத்தில் மு.காங்கிரசின் அம்பாறை மாவட்ட நாடாளுமன்ற உறுப்பினர்கள் மற்றும் கிழக்கு மாகாணசபை உறுப்பினர்களில் கணிசமானோர் கலந்து கொண்டனர். அங்கு உரையாற்றியவர்கள் அனைவரும் ஹசனலியின் கூட்டம் தொடர்பாகவே பேசினார்கள். மு.கா. தலைவர் ஹக்கீமும், ஹசனலியின் கூட்டம் பற்றியும், அதனை முன்னின்று நடத்தியவர்கள் குறித்தும்தான் அதிகம் பேசினார். ஹசனலியின் கூட்டம் மு.கா. தலைவரை வெகுவாகப் பாதித்திருந்ததை அவரின் உரை வெளிப்படுத்தியது.

‘ஹசனலி வேதனையுடன் இருக்கின்றார். அவர் கூட்டம் நடத்துவதை ஏற்றுக்கொள்கின்றோம். ஆனால், ஹசனலியை பகடையாக வைத்து, சிலர் சித்து விளையாட்டுக் காட்டுகின்றார்கள்’ என்று, மு.கா. தலைவர் ஹக்கீம், நிந்தவூர் கூட்டத்தில் கலந்து கொண்டு உரையாற்றியபோது கூறினார். ஆனாலும், ஹசனலியை பகடையாக வைத்து, சித்து விளையாட்டுக் காட்டுபவர்கள் யார் என, மு.கா. தலைவர் இதன்போது பெயர் குறிப்பிடவில்லை. இருந்தாலும், நிந்தவூர் பிரதேச சபை முன்னாள் தவிசாளர் தாஹிர் மற்றும் அட்டாளைச்சேனை பிரதேச சபையின் முன்னாள் தவிசாளர் அன்சில் ஆகியோரைத்தான் ஹக்கீம் அவ்வாறு குறிப்பிட்டார் என்பதை, அவரின் முழு உரையினையும் செவிமடுத்தவர்களால் புரிந்து கொள்ள முடிந்தது.

‘கிழக்கு மாகாண சுகாதார அமைச்சர் நஸீர் தொடர்பில் என்னிடம் அவர்கள் முறையிட்டனர். நஸீர் தொடர்பில் நான் நடவடிக்கை எடுக்கவில்லை என்று அவர்கள் கூறினார்கள். நான் பிரம்பெடுக்கத் தொடங்கினால், கட்சியில் ஒருவரும் எஞ்ச மாட்டார்கள். ஆனால், இப்போது எனக்கே பிரம்பெடுத்துள்ளார்கள்’ என்றும் மு.கா. தலைவர் ஹக்கீம் தனது உரையில் குறிப்பிட்டார்.

மு.கா. தலைவர் ரஊப் ஹக்கீம் கூறிய மேற்படி விடயமானது மிகவும் கவனத்துக்குரியதாகும். கட்சியின் முக்கியஸ்தர்களுக்கு எதிராக, தான் தண்டனை வழங்கத் தொடங்கினால், அனைவரும் சிக்கிக் கொள்வார்கள் என்பதைத்தான், பிரம்புக் கதையின் மூலமாக அவர் குறிப்பிட்டார். அதாவது, கட்சியின் முக்கியஸ்தர்கள் அனைவரும் தண்டிக்கப்படக் கூடிய வகையிலான குற்றங்களைப் புரிந்துள்ளனர் என்பதைத்தான் ஹக்கீம் அப்படிக் கூறினார். மேலும், கட்சியின் முக்கியஸ்தர்கள் செய்த குற்றங்கள் குறித்து தான், அறிந்து வைத்திருப்பதையும், இதனூடாக ஹக்கீம் வெளிப்படுத்தியமை இங்கு சுட்டிக்காட்டத்தக்கது. ‘பிரம்பெடுத்தல்’ என்பதற்கு இந்த இடத்தில் ‘தண்டித்தல்’ என்று அர்த்தமாகும்.

இது இவ்வாறிருக்க, அம்பாறை மாவட்டத்திலுள்ள 17 முஸ்லிம் ஊர்களிலும், நிந்தவூரில் நடத்தியது போன்று, கூட்டங்களை தாம் நடத்தவுள்ளதாக, ஹசனலி தரப்பு அறிவித்துள்ளது. இந்த நிலையில், ‘முடிந்தால் அவ்வாறான கூட்டங்களை நடத்திக் காட்டட்டும்’ என்று, மு.கா. தலைவர் ஹக்கீம் நிந்தவூரில் வைத்து சவால் விடுத்திருக்கின்றார். இது ஆரோக்கியமானதாகத் தெரியவில்லை. மாற்றுக் கருத்துக்களை வெளிப்படுத்துவற்கான உரிமைகளுக்குச் சவால்விடுப்பதை, ஜனநாயக விரும்பிகள் எவரும் ஏற்றுக் கொள்ள மாட்டார்கள்.

ஹசனலியின் நிந்தவூர் கூட்டத்தில் மு.காங்கிரசின் கொடிகள் பறக்க விடப்பட்டிருந்தன. மு.காங்கிரசின் கட்சிக் கீதம் ஒலிக்க விடப்பட்டது. கட்சியின் ஸ்தாபகத் தலைவர் அஷ்ரப் மற்றும் கட்சியின் மரச்சின்னம் ஆகிவற்றினை உள்ளடக்கிய பதாகை மேடையில் காட்சிப்படுத்தப்பட்டிருந்து. அங்கு உரையாற்றிய சட்டத்தரணி அன்சில்; ‘மு.காங்கிரசின் சட்ட விதிகளுக்கு உட்பட்டே, இந்தக் கூட்டத்தை நாங்கள் நடத்துகின்றோம்’ என்று கூறினார். கட்சியின் கொள்கைகளுக்கு முரணகச் செயற்படும் தலைமையின் தவறுகளை அம்பலப்படுத்துவதுதான் தமது நோக்கம் என்றும், தாம் உண்மையின் பக்கம் நிற்பதாகவும் ஹசனலியின் கூட்டத்தில் பேசியோர் தெரிவித்தனர். மேலும், ‘தனிப்பட்ட நலன்கள் குறித்து யோசிப்பவர்களாக நாங்கள் இருந்தால், ஹக்கீமை சார்ந்திருப்பதுதான் எமக்கு லாபமாகும். ஆனால், நாங்கள் உண்மையின் பக்கம் இருக்க விரும்புகிறோம். மு.கா. தலைவர் தொடர்பில் கூறப்படும் குற்றச்சாட்டுக்களுக்கான ஆதாரங்களை, கண்களால் கண்டதன் பின்னர்தான், இவ்வாறானதொரு நிலைப்பாட்டினை நாங்கள் எடுத்தோம்’ என்று, ஹசனலியின் மேடையில் உரையாற்றிய அன்சில் மேலும் கூறினார். இருந்தபோதும், தாங்கள் கண்ணால் கண்ட அந்த ஆதாரங்கள் எவை என்று அன்சில் குறிப்பிடவில்லை.

அந்தக் கூட்டத்தில் ஹசனலி இறுதியாக உரையாற்றினார். அவரின் உரை உணர்வுபூர்மாக அமைந்தது. ‘என்னிடமிருந்த செயலாளர் பதவியைப் பறித்தெடுத்து விட்டு, அழுகையுடன் என்னை வெளியேற்றினார்கள்’ என்று ஹசனலி கூறியபோது, கூட்டம் உணர்ச்சிவசப்பட்டது. ‘மு.கா. தலைவருக்கு எதிராக இந்தக் கூட்டத்தை நாங்கள் நடத்தவில்லை, அவரைத் திருத்துவதற்காகவே, இந்த முயற்சியை எடுத்துள்ளோம். மு.கா.வுக்கு ஹக்கீம்தான் தலைவர்’ என்று ஹசனலி தனது உரையைத் தொடர்ந்தபோது, கூட்டத்தைக் காண வந்தோர் ஆக்ரோசமாகச் சத்தமிட்டார்கள். ‘ஹக்கீமின் தலைமை எமக்குத் தேவையில்லை’ என்று, அவர்கள் கோசமிட்டார்கள். அவர்களை அடக்கி விட்டு, ஹசனலியின் உரையைத் தொடரச் செய்வதற்கு, ஏற்பாட்டாளர்கள் பெரும் சிரமப்பட்டனர். ஹசனலி தரப்பினருக்கு நிந்தவூர் கூட்டம் பெரு வெற்றியாக அமைந்தது.

ஆனாலும், இவ்வாறான கூட்டங்களை நடத்துவதனூடாக, மு.காங்கிரசுக்குள் அந்தக் கட்சியின் தலைவர் ஹக்கீமுக்குள்ள ஆதரவினை அத்தனை இலகுவாக உடைத்தெறிந்து விட முடியாது என்கிற உண்மையினையும் இங்கு பதிவு செய்ய வேண்டியுள்ளது. அதனை ஹசனலி தரப்பினரும் பகிரங்கமாக ஏற்றுக் கொண்டுள்ளனர். மு.காங்கிரசின் யாப்புத் திருத்தங்களினூடாக, கட்சிக்குள் ஏற்படுத்தப்பட்டுள்ள கட்டமைப்பு ஹக்கீமுக்கு மிகவும் சாதகமானதாகும். அதாவது, மு.காங்கிரசின் தலைவர் உள்ளிட்ட நிருவாகப் பதவிகளுக்கு நபர்களைத் தெரிவு செய்யும் அதிகாரம், அந்தக் கட்சியின் உயர்பீடத்துக்கு உள்ளது. மு.கா.வின் உயர்பீடத்தில் 90 பேர் உறுப்பினர்களாக உள்ளனர். இவர்களில் 56 பேரை மு.கா. தலைவர்தான் தனது விருப்பு வெறுப்புகளின் அடிப்படையில் தெரிவு செய்வார். இவ்வாறான உயர்பீடமானது மு.கா. தலைவருக்கு விசுவாசமாகவே இருக்கும் என்பதை சொல்லித் தெரிய வேண்டியதில்லை. எனவே, இப்போதைக்கு, உயர்பீடத்தினூடாக மு.கா.தலைமைப் பதவியிலிருந்து ரஊப் ஹக்கீமை அகற்றுவதென்பது அத்தனை இலகுவான காரியமல்ல. எனவேதான், மக்களை விழிப்புணர்வூட்டுவதனூடாக, எதிர்வரும் தேர்தல்களில் ஹக்கீம் தரப்பினரை தோற்கடித்து, அதனூடாக மு.கா.வின் தலைமைப் பதவியிலிருந்து ஹக்கீமை அகற்ற முடியும் என்கிற நம்பிக்கையின் அடிப்படையில்தான், ஹசனலி தரப்பினர் பொதுக் கூட்டங்களை நடத்தத் தீர்மானித்துள்ளனர். தமது இந்த நடவடிக்கைக்கு ‘உண்மையைத் தேடும் பயணம்’ என்று, ஹசனலி தரப்பினர் பெயர் வைத்துள்ளனர்.

ஹசனலியின் மேற்படி கூட்டத்தில் மு.கா.வின் இடைநிறுத்தப்பட்டுள்ள தவிசாளர் பசீர் சேகுதாவூத்தை பார்வையாளர்கள் பெரிதும் எதிர்பார்;த்தனர். ஆனால், பசீர் கலந்து கொள்ளவில்லை. மு.காங்கிரசின் ஆதரவாளர்களான இளைஞர்களைச் சந்தித்து, அவர்களுடன் கலந்துரையாடல்களில் ஈடுபடும் நடவடிக்கையொன்றினை ஏற்கனவே, பசீர் ஆரம்பித்துள்ளமை குறிப்பிடத்தக்கது.
எவ்வாறாயினும், மு.காங்கிரஸ் அல்லாத அரசியல் பிரமுகர்களை, தமது பிரசார நடவடிக்கைகளில் ஈடுபடுத்துவதில்லை என்று ஹசனலி மற்றும் பசீர் தரப்பு தற்போதைக்குத் தீர்மானித்துள்ளனர் என அறிய முடிகிறது. மு.காங்கிரசுக்கு எதிரானவர்களை ஹசனலி மற்றும் பசீர் தரப்பினர் தமது மேடைகளிலோ பிரசார நடவடிக்கைகளிலோ ஈடுபடுத்துவார்களாயின், அவர்களை ஹக்கீம் தரப்பு மிக இலகுவாக மலினப்படுத்தி விடக்கூடிய சந்தர்ப்பமுள்ளது. ‘ஹசனலியும், பசீரும் எதிராளிகளின் கூட்டாளிகள்’என்று, ஹக்கீம் தரப்பு செய்துவரும் பிரசாரத்தை, அது – உண்மைப்படுத்திவிடும். எனவே, மு.கா.வின் அரசியல் எதிராளிகளை தமது மேடைகளில் ஏற்றுவதில்லை என்று ஹசனலி மற்றும் பசீர் தரப்பினர் எடுத்திருக்கும் முடிவு சாதுரியமானதாகும்.

இதேவேளை, மு.காங்கிரசுக்குள் தமக்குப் பதவிகளையும், தேசியப்பட்டியல் நாடாளுமன்ற உறுப்பினர் பதவிகளையும் பெற்றுக் கொள்வதற்காகவே, ஹசனலியும் பசீரும் இவ்வாறு ஹக்கீம் எதிர்ப்பு நடவடிக்கையில் குதித்திருப்பதாக விமர்சனமொன்று இருப்பதையும் மறைத்து விட முடியாது. ஆனாலும், பிரதிநிதித்துவ அரசியலில் இனி ஈடுபடப் போவதில்லை என்று பசீர் சேகுதாவூத் ஏற்கனவே அறிவித்து விட்டமை இங்கு நினைவு கொள்ளத்தக்கது. அதாவது, உள்ளுராட்சி மன்றம் தொடங்கி நாடாளுமன்றம் வரையிலான உறுப்பினர் பதவிகளை இனி வகிக்கப் போவதில்லை என்று, பசீர் கூறிவிட்டார். இந்த நிலையில், மு.கா.வின் செயலாளர் பதவியோ, தேசியப்பட்டியல் நாடாளுமன்ற உறுப்பினர் பதவியோ தனக்கு வழங்கப்பட்டாலும், அதனை – இனிமேல் தான் ஏற்கப்போவதில்லை என்று, நிந்தவூர் கூட்டத்தில் வைத்து ஹசனலி பகிரங்கமாகத் தெரிவித்துள்ளமையும் இங்கு குறிப்பிடத்தக்கது.

ஏற்கனவே, ஹக்கீமுக்கு எதிராக கிழக்கு மாகாணத்தில் எதிர்ப்புணர்வுகள் தோன்றியுள்ள நிலையில், ஹசனலி மற்றும் பசீர் ஆகியோர் எடுத்துள்ள அவதாரங்கள் நிலைமையினை இன்னும் பாரதூரமாக்கியுள்ளதாகக் கூறப்படுகிறது. ‘நகத்தால் கிழிப்பதற்கு, தட்டுக்குத்தியும் ஆப்பும் எதற்கு’ என்று கிராமப்புறத்தில் ஒரு சொற்றொடர் உள்ளது. எளிமையாக முடிக்கும் ஒரு விடயத்தை பெரிதாக்கி கூடவே பிரச்சினையாக்குவதைக் குறிப்பிட்டுச் சொல்வதற்கு அந்தச் சொற்றொடர் பயன்படுத்தப்படும். ஹசனலி மற்றும் பசீர் விவகாரங்களைக் கையாள்வதற்கு, மு.கா. தலைவர் ‘தட்டுக்குத்தி மற்றும் ஆப்பு’ ஆகியவற்றினைத் தெரிவு செய்து விட்டார் என்கிற பேச்சுக்கள், கட்சியின் முக்கியஸ்தர்களிடம் பரவலாகவே உள்ளன. இந்த நிலையில், ஹனசலி தரப்பினர் தனக்கு எதிராக பிரம்பினைத் தூக்கியுள்ளதாக மு.கா. தலைவர் ஹக்கீம் தெரிவித்திருப்பதும் இங்கு கவனத்துக்குரியது.

அரசியல்வாதிகளின் பிரம்புகளை விடவும், மக்களின் பிரம்புகள் ஆபத்தானவையாகும். தேர்தல்களில் தோற்றுப்போன மந்திரிமார்கள் அதற்கு மிகச் சிறந்த சாட்சிகளாவர்.

நன்றி தமிழ் மிரர் (07 மார்ச் 2017)

image

JABEER RAZI MOHAMED

ஒரு சகுனியின் சதுரங்கம்- (குமாரி தற்கொலை செய்வதற்கு முன்னர் கைப்பட எழுதிய கடிதம்)
***********************************************************
(ஒருவரின் குறைகளை வெளிப்படுத்தஅனுமதிக்கப்பட்ட 6 சந்தர்ப்பங்களைப் பற்றி இமாம் நவவி கூறும்போது “இறுதியாக ஒரு தலைமைத்துவத்தில் இருக்கும் ஒருவர் அந்தப் பொறுப்புக்கு பொருத்தமானவரல்ல அல்லது அவர் ஒரு பாவி என்ற காரணங்களுக்காக தனது கடமையை நிறைவேற்றவில்லை எனும் சந்தர்ப்பங்களில் ஒருவர் அவரின் குறைகளை அவரின் மீது அதிகாரம் கொண்டவர்களிடம் குறிப்பிட்டு அவரை நீக்கவோ அல்லது அவருக்குப் பதிலாக இன்னொருவரை நியமிக்கவோ முயல வேண்டும்.அல்லது அவருக்குப் பொறுப்பாக இருப்பவர்கள் அவரின் குறைகளைப் பற்றி தெரிந்து கொள்வதன் மூலம் அவரோடு நடந்து கொள்ள வேண்டிய முறையை தெரிந்து கொள்வதோடு அவரால் ஏமாற்றப் படாமல் தவிர்ந்து கொள்ளலாம். இதன் மூலம் அவரை நேர்வழிப்படுத்த அல்லது பதவியில் இருந்து விலக்க முயலலாம்”-(அல் அத்கார், ஹிப்ழுல் லிஸான்,இமாம் நவவி)
*****
அடுத்த பகுதியோடு இந்த தொடர் முடிவிற்கு வரும்.
******************************************************************************
2004 மே மாதம் 16ம் திகதி சுரனிமாலா எழுதிய கட்டுரை ஹக்கீமுக்கும் குமாரிக்கும் இடையிலான தொடர்புகளை மறைத்து குமாரி சந்திரிக்காவை சந்தித்தார்,இந்த நாடகத்தை சந்திரிக்கா இட்டுக்கட்டி நடத்தினார் என்ற தோரணையில் அமைந்திருந்தது.

ஹக்கீமின் இந்த விவகாரத்தை சண்டே லீடர் பத்திரிகையில் எழுதியவர்கள் இருவர்.ஒருவர் சுரனிமாலா.மற்றையவர் பிரெட்ரிகா ஜேன்ஸ். இந்தக் கதையின் புதிரை அவிழ்க்க வேண்டும் என்றிருந்தால் சுரனிமாலாவைச் சந்தித்து நடந்தவற்றைக் கேட்க வேண்டும். சுரனிமாலாவைத் தேட ஆரம்பித்தேன். தேடிக்கொண்டு செல்லும் போதுதான் சுரனிமாலா என்பது லசந்த விக்ரமதுங்கதான் என்பது எனக்குத் தெரியவந்தது.லசந்த விக்ரமதுங்க சுட்டுக்கொல்லப்பட்டுவிட்டார். அடுத்தவர் பிரெட்ரிகா ஜேன்ஸ்.பல முயற்சிகளின் பின்னர் பிரெட்ரிகா ஜேன்ஸ் அமெரிக்காவில்  seattleglobalist  என்ற பத்திரிகையில் வேலை செய்கிறார் என்பதைத் தெரிந்து கொண்டேன். பின்னர் பிரெட்ரிகா ஜேன்ஸைக் கண்டுபிடித்து அவரோடு பேசினேன்.லசந்த மாத்திரம்தான் இந்த விவகாரத்தில் ஈடுப்பட்டிருந்தார் தனக்கு அவர் யார் யாரைச் சந்தித்தார் என்று தெரியாது என்று கூறிவிட்டார்.

இந்தக் கதை உண்மை என்று எனக்குத் தெரியும்.ஆனால் ஹக்கீமை தனது தார்மீகத் தலைவனாக ஏற்ற அந்த அப்பாவிப் போராளிகளுக்குத் தெரியாது. அதற்கு உண்மைகள் ஆதாரங்களோடு வேண்டும்.இல்லாவிட்டால் மக்கள் நம்பமாட்டார்கள்.எனது பிரார்த்தனைகள் வீண் போகவில்லை.எனது தேடலையும் நான் விடவில்லை. நடந்த சம்பவங்களை நேரில் கண்ட ஒருவர் வேண்டும்.அதற்கு சரியான வழி குமாரியின் குடும்பத்தினர்தான் என்று அந்த வழியில் தேடிக்கொண்டு போனேன்.

அந்தத் தேடலின் இறுதியில் ஒருவர் என்னோடு பேசுவதற்கு முன்வந்தார்.அழுத கண்களோடு அவர் பேசினார்.தனது சொந்தத்திற்கு நடந்த அநீதியைச் சொல்லிக் கண்ணீர் வடித்தார்.உங்கள் மக்களிடம் கூறி எங்களுக்கு நீதி கேட்டுத்தாருங்கள் என்றார்.எந்த சந்தர்ப்பத்திலும் அவருடையை பெயரை வெளிக்கொணரக்கூடாது என்ற நிபந்தனையில் தன் சொந்தத்தின் கதையைக் கூறினார்.நான் ஹக்கீமால் வெட்கித்தலை குனிந்து கேட்டுக்கொண்டிருந்தேன்.சண்டே லீடர் மறைத்த அனைத்தையும் எனது கேள்விகளுக்கான விடைகள் அனைத்தையும் அவர் அவிழ்த்து விட்டார்.அவரின் வார்த்தைகளை மாத்திரம் வைத்து  இதனை நான் எழுதவில்லை.அதற்கான அனைத்து ஆவணங்களையும் அவர் காண்பித்தார்.

சண்டே லீடர் பத்திரிகையில் கட்டுரை வந்ததும் அரசாங்கம் சுதாரித்துக் கொண்டது.இது சந்திரிக்கா இட்டுக்கட்டிச் செய்ததுதான் என்று பத்திரிகை கூறியதும் இல்லை அது உண்மையான சம்பவம்தான் என்று நிரூபிப்பதற்காக கட்டுரை வெளிவந்த அன்றைய தினமே ரூபவாஹினியிலும்,ஐ.டி.என் தொலைக்காட்சியிலும் ரிஷாட் குழுவினர் எடுத்த குமாரியின் வீடியோவை அரசாங்கம் ஒளிபரப்பியது.அந்த காணொளியில் தனக்கும் ஹக்கீமுக்கும் இருக்கும் தொடர்பையும்,ஹக்கீம் தன்னை திருமணம் முடிப்பதாக ஏமாற்றியதையும் தனக்கு மரணத்தைத் தவிர வேறு வழியில்லை என்று குமாரி பேசியிருந்தார்.அந்த வீடியோ சண்டே லீடர் பத்திரைகையில் கட்டுரை வெளிவந்த இரவு வெளியானது.அந்தப் பேட்டியில் குமாரி சொல்லியவைகள் அனைத்தும் உண்மையானவை.

இந்தப் பேட்டி வெளிவந்தவுடன் ஹக்கீம் கண்ணாமூச்சி விளையாடத் தயாரானார். ஏற்கனவே லசந்த விக்ரமதுங்கவும் ஹக்கீமும் சொல்லிக் கொடுத்து,ஹக்கீம் தன்னைத் திருமணம் முடிப்பார் என்ற வாக்குறுதியை நம்பி குமாரி கொடுத்த பொய்ப் பேட்டி தயார் நிலையில் இருந்தது.ரூபவாஹினியில் ஹக்கீமுடன் தொடர்பிருப்பதாக ஒளிபரப்பான பேட்டியைத் தொடர்ந்து, தன்னை சந்திரிக்கா இவ்வாறு சொல்லச் சொன்னார் என்ற பேட்டி உடனே சிரச தொலைக்காட்சியில் ஒளிபரப்பாகியது. சிரச தொலைக்காட்சியில் ஹக்கீமிற்காக குமாரி சொன்ன பொய்யால்தான் ஹக்கீமின் மானம் அன்று காப்பாற்றப்பட்டது. இல்லாவிட்டால் ஹக்கீம் இன்று முகவரி இல்லாத ஒருவராக இருந்திருப்பார்.முஸ்லிம் காங்கிறசின் மானத்தை காப்பாற்றியது அன்று குமாரி என்கின்ற ஒரு வேற்றுமதப் பெண்.இதற்கெல்லாம் முழுக் காரணம் ஹக்கீமின் வெறிபிடித்த காமம் என்பதை போராளிகள் ஞாபகம் வைத்துக் கொள்ளட்டும்.
அதற்குப் பின்னர் லசந்த விக்ரமதுங்கவும் ஹக்கீமும் குமாரிக்கு சொல்லிக்கொடுத்து எடுத்த பேட்டி எழுத்து வடிவில் மே மாதம் 30ம் திகதி சன்டே லீடர் பத்திரிகையில் வெளியானது.அது இங்கே இணைக்கப்பட்டுள்ளது. http://www.thesundayleader.lk/archive/20040530/interviews.htm

அதன் பின்னர் 2004 மேமாதம் 31ம் திகதி குட்மோனிங் சிறிலங்கா நிகழ்ச்சியில் குமாரி பேசினார்.அதனால் ஹக்கீமின் அசிங்கங்கள் அனைத்தும் மறைக்கப்பட்டு, ரிஷாட் பதுர்தீனும் அவரது கூட்டமும் துரோகிகளாகச் சித்தரிக்கப்பட்டு கட்சியைவிட்டு வெளியேற்றப்பட்டனர். அவர்கள் கட்சியை விட்டு வெளியேற்றப்படதற்கான காரணம் குமாரி கூரேயின் விவகாரமே அன்றி வேறில்லை.ஒரு பெண்ணின் மீது கொண்ட காமத்தால் முஸ்லிம் சமூகத்தின் அரசியல் எவ்வாறு சின்னாபின்னப்பட்டிருக்கிறது என்பதைப் பாருங்கள்.இதன் பிறகும் யாரும் இதனை ஹக்கீமின் ஒரு தனிப்பட்ட விவகாரம் என்று தட்டிக்கழிப்பீர்களா?

அதன் பின்னர் 2004 ஓகஸ்ட் மாதம் 18ம் திகதி குமாரியும் ரவூப் ஹக்கீமின் பிளவர் வீதி நண்பரும் நண்பரின் மனைவியும்,அவரது இரண்டு குழந்தைகளும் சிங்கபூர் சென்றார்கள்.ஹக்கீம் 20ம்திகதி சிங்கப்பூருக்கு வந்தார்.அவர்கள் சிங்கப்பூரில் நியூ பார்க் ஹோட்டலில் தங்கினார்கள்.அனைவருக்கும் முன்னிலையில் 2004 செப்டம்பர் மாதம் 23ம் திகதிக்கு முன்னர் குமாரியைத் திருமணம் முடிப்பதாக பகிரங்கமாக ஹக்கீம் வாக்குறுதியளித்தார்.அதன் பின்னர் ஓகஸ்ட் 25ம்திகதி ஹக்கீம் இலங்கைக்கு வந்தார்.குமாரி அடுத்த நாள் வந்தார்.இந்தத் தகவல்களின் உண்மைத்தன்மையை தெரிந்து கொள்ள விரும்புபவர் ஹக்கீம் அவர்கள் அந்தத் திகதியில் எங்கிருந்தார் என்பதை பரிசோதித்துப் பார்த்தால் புரிந்துவிடும்.

ஹக்கீம் வாக்களித்தது மாதிரி குமாரியை அவர் திருமணம் முடிக்கவில்லை.அன்று குமாரி அந்தப் பேட்டியை சிரச தொலைக்காட்சிக்கு கொடுக்காமல் இருந்திருந்தால் ஹக்கீம் என்றோ அழிந்திருப்பார்.ஆனால் தன்னைத் திருமணம் முடிப்பார் என்ற நம்பிக்கையில்தான் குமாரி இவை அனைத்தையும் செய்தார்.ஹக்கீம் குமாரிக்கு திருமணம் முடிப்பதாகத் திகதி கொடுத்து மீண்டும் ஏமாற்றினார்.குமாரி மனதுடைந்துபோனார்.
சில நாட்களின் பின்னர் ரிஷாடின் கூட்டத்திற்கு எதிராகவும்,குமாரியின் உண்மையான வீடியோவைப் பிரசுரித்ததற்காகவும் ரூபவாஹினிக்கு எதிராக சி.ஐ.டியில் முறைப்பாடு செய்வதற்கும்,வழக்குத் தாக்கல் செய்வதற்கும்  கையெழுத்து வாங்குவதற்கு ஹக்கீம் குமாரியை நாடிய போது,தனது வாழ்க்கை ஹக்கீமின் அரசியலுக்கான பகடைக் காயாகப் பாவிக்கப்படுகின்றது என்பதை குமாரி மெது மெதுவாக உணர்ந்து கொள்ள ஆரம்பித்தார்.அவர் கையெழுத்துப் போட மறுத்துவிட்டார்.

ஹக்கீம் தன்னைத் இனித் திருமணம் முடிக்கப்போவதில்லை. தன்னைப் நன்றாகப் பயன்படுத்திவிட்டு அது வெளியே வந்ததால் அவரின் மானம் போய்விடக்கூடாது என்பதற்காக தன்னை வைத்து அனைத்தையும் முறியடித்துவிட்டு தன்னைக் கைகழுவிவிட்டார் என்பதைக் குமாரி புரிந்து கொண்டார்.
ஹக்கீமைப் பொறுத்தவரைக்கும் குமாரியின் உடம்பு மாத்திரம்தான் அவருக்குத் தேவை.குமாரிக்கு ஹக்கீம் என்பது அவளின் வாழ்க்கை.அனைத்தையும் அவர் இழந்தது தன்னைத் திருமணம் முடிப்பார் என்பதற்காகத்தான். அனைத்து அவமானங்களையும் அவர் சகித்துக்கொண்டதும் அதற்காகத்தான்.இத்தனை முறை ஏமாற்றப்பட்டதன் பின்னர் தான் இனி இந்த உலகில் இருந்து பயனில்லை என்று குமாரி தன்னை அழித்துக்கொள்ள முடிவு செய்தார்.குமாரி ஹக்கீமை ‘பபி’ என்றுதான் செல்லமாக அழைப்பார்.

தன் கதை தெரிந்த தனது நெருக்கமான இரண்டு சொந்தங்களுக்கு குமாரி ஒரு கடிதம் எழுதினார்.அந்தக் கடிதத்தின் ஒரிஜினல் பிரதியை அவரின் அந்தச் சொந்தக்காரர் என்னிடம் தரும்போது அழுதுவிட்டார். நான் இங்கு இணைத்திருப்பது குமாரியின் கைப்பட எழுதிய கடிதம்.குர்ஆனையும் சுன்னாவையும் யாப்பாகக் கொண்ட ஒரு முஸ்லீம் கட்சியின் தலைவரால் ஏமாற்றப்பட்டு இறந்தவளின் கடிதம்.ஹக்கீமைக் காப்பாற்றி காங்கிறசைக் காப்பாற்றிய பெண்ணின் கடிதம்.யாருக்கு எழுதப்பட்டதோ அவர்கள் இருவரின் பெயரும் இங்கே தவிர்க்கப்படுகிறது. அந்தக் கடிதம் சிங்களத்தில் எழுதப்பட்டிருப்பதால் அதன் மொழி பெயர்ப்பைத் தமிழில் தருகிறேன்.

16.11.2004
வெற்றியும் மகிழ்ச்சியும் உண்டாகட்டும்.

அன்புள்ள ………..மற்றும்…………………..,

நீங்கள் இருவரும் எனக்கு அதிகமாக உதவி செய்தீர்கள்.என்னை நன்றாகப் பார்த்துக்கொண்டீர்கள். என்னை சந்தோஷமாக வாழ வைக்க நீங்கள் மிகவும் பாடுபட்டீர்கள்.என்றாலும் உங்களுக்கு அதைச் செய்ய முடியாது.இந்த உலகில் என்ன மகிழ்ச்சியாக வைக்க,வாழவைக்க முடிந்த ஒருவர் பபி மாத்திரமே. அவருக்கு நான் தேவையில்லை என்றால் எனக்கு இந்த வாழ்க்கையில் பயன் இல்லை.இரவு பகல் பாராது எனது பிரச்சினைக்கு தீர்வு காண நீங்கள் இருவரும் முயற்சி செய்தீர்கள்.அவற்றையும் பார்க்காமல் நான் இந்த முடிவை எடுப்பதற்காக என்னை மன்னியுங்கள்.எனக்கு எனது காதல் இல்லாமல் என்னால் வாழ முடியாது. என்னை நீங்கள் புரிந்து கொள்வீர்கள் என்று நினைக்கிறேன். உங்கள் எல்லோருக்கும் இறைவன் அருள்பாலிக்கட்டும்.

இப்படிக்கு,
குமாரி கூரே.

** …..பபி எனக்கு கொடுத்த அனைத்தையும் அவரின் மகள்களுக்குக் கொடுத்துவிடுங்கள்.
**எனது உடைகளை அநாதை இல்லத்திற்கு கொடுத்துவிடுங்கள்.
**எனது மரணச் சடங்குகளை நீங்கள் இருவரும் மாத்திரமே செய்யுங்கள்(முடியுமானால் மாத்திரம்)
**எனது வீட்டாருக்கும் மற்ற எவருக்கும் எனது சடலத்தைக் காட்டவேண்டாம்.இந்த அனைத்து வேலைகளையும் நீங்கள் இருவர் மாத்திரம் செய்தால் உங்கள் இருவருக்கும் நன்மை உண்டாகும்.

இந்தக் கடிதத்தை எழுதிய பின்னர் குமாரி மூன்று முறை தற்கொலை முயற்சி செய்தார்.       (தொடரும்)

இருமுனை நகர்வுகள் !

Posted: மார்ச் 7, 2017 by மூஸா in Uncategorized

image

மஹிந்த ராஜபக்ஷவின் அரசாங்கத்தில் ஒரு சாதாரண அமைச்சராக இருந்த மைத்திரிபால சிறிசேன ஓரிரு நாட்களுக்குள் முடிவெடுத்து, மஹிந்தவுக்கு எதிராக களமிறங்கினார். மக்கள் நலன்சாரா அரசாங்கத்திடமிருந்து மக்களை மீட்டெடுப்பதே அவரது இலக்காக இருந்தது. அதட்டிப் பேசும், ஆஜானுபாகுவான மஹிந்த ராஜபக்ஷவுக்கு முன்னால்,பார்ப்பதற்கு ஒல்லியான, சாதுவான மைத்திரி களமிறங்கியது சிலருக்கு ஆச்சரியமானதாகவும் வேறு சிலருக்கு நகைப்புக்கிடமானதாகவும் இருந்தது. ஆனால், காலம் வேறு விதி செய்தது.

இதற்கு கிட்டத்தட்ட சமமான ஒரு வேட்கையுடனேயே முஸ்லிம் காங்கிரஸின் முன்னாள் செயலாளர் நாயகம் எம்.ரி.ஹசனலி இப்போது களத்தில் இறங்கியிருக்கின்றார் என்று அவருக்கு சர்பானவர்கள் சொல்கின்றனர். மு.கா. கட்சியின் அடிப்படைக் கொள்கைகள் கோட்பாடுகளுக்கு புறம்பாக கட்சி பயணிப்பதாக கூறியும் அதற்கு காரணமானவர்களிடம் இருந்து கட்சியை மீட்டெடுக்கப் போவதாக கூறியுமே ஹசனலி புதிய மூலோபாய திட்டத்துடன் களமாட தயாராகி நிற்கின்றார். நிந்தவூரில் அவர் நடாத்திய கூட்டங்கள் இதனை உறுதிப்படுத்துகின்றன.

ஆணாளப்பட்ட மஹிந்த ராஜபக்ஷவுக்கு எதிராக மைத்திரிபால சிறிசேன களமிறங்கிய போது அவரைப் பார்த்து மக்கள் மனங்களில் ஏற்பட்ட இரட்டை கருத்துநிலையை போலவே ஹசனலி விடயத்திலும் ஏற்பட்டுள்ளது. இவர் துணிச்சல்காரர் என சிலரும் மு.கா. தலைவரின் பலம் தெரியாமல் பலப்பரீட்சை நடாத்துகின்றார் என்று வேறு சிலரும் அபிப்பிராயம் கொள்கின்றனர். ஆனால்,மஹிந்த மனதில் ஏற்பட்டதற்கு அண்ணளவாக சமனான ஒரு உணர்வு மு.கா. தலைவரும் அமைச்சருமான றவூப் ஹக்கீம் மனதில் ஏற்படாமல் விட்டிருக்காது.

எது எவ்வாறிருந்தாலும், இது ஒற்றையடிப் பாதை. முட்களும் அச்சுறுத்தல்களும் நிறைந்ததாக இது இருக்கலாம். எனவே, இதில் பயணிப்பதற்கு முன்னர் யோசிக்கலாமே தவிர, முடிவெடுத்து விட்டு பின்வாங்க முடியாது, திரும்பிவரவும் இயலாது. எனவே, போதுமானளவுக்கு சிந்தித்து விட்டு ஒரு தீர்க்கமான முடிவுடனேயே ஹசனலி களமாட துணிந்திருப்பார் என்பதே எடுகோளாகும்.

கண்பட்ட பிறகு

ஸ்ரீலங்கா முஸ்லிம் காங்கிரஸ் கட்சியின் ஒற்றுமைக்கு கண்பட்டு கனகாலமாயிற்று. இந்த சீசனில் முரண்பட்டவர்கள் முன்னாள் செயலாளர் நாயகம் எம்.ரி.ஹசனலியும்,முன்னாள் தவிசாளர் பசீர் சேகுதாவூதும் என்பதையும் அந்த முரண்பாடு எங்கிருந்து தொடங்கி, எதில் வைத்து வேறு திசைக்கு திரும்பியது என்பதையும் எல்லோரும் அறிவார்கள். ஹசனலியும் பசீரும் ஹக்கீமுடன் கொண்டிருந்த நெருக்கத்தின் அளவுக்கு கட்சி என்ற அடிப்படையில் வேறு யாரும் நெருக்கமாக இருந்திருக்கமாட்டார்கள் என்று கட்சிக்குள் பேசப்படுவதுண்டு. கட்சிக்குள் இருந்து கொண்டே போரடினேன் என்று ஹசனலி இப்போது சொல்வது உண்மையாக இருந்தாலும் கடந்த பெப்ரவரி 12ஆம் திகதி வரைக்கும் கட்சியையும் தலைவரையும் கடுமையாக நம்பியிருந்தார். ஹக்கீம் நினைத்ததை எல்லாம் செய்பவராக அவர் இருந்திருக்கின்றார்.

மறுபுறுத்தில்,தலைவர் ஹக்கீம் நினைக்காததைக் கூட செய்பவராக பசீர் சேகுதாவூத் இருந்ததாக சொல்லப்படுவதுண்டு. தலைவர் ஏதாவது நெருக்கடிக்குள் மாட்டிக் கொள்கின்ற போது தானாக ஒரு தந்திரோபாய திட்டத்தை வகுத்து அதிலிருந்து தலைவரையும் கட்சியையும் பாதுகாக்கின்ற வேலையை பசீர் செய்து வந்திருக்கின்றார். அதற்கு கைமாறாக, கட்சிக்குள் பலர் பசீரை விமர்சனத்திற்குள்ளாக்கிய வேளையிலும் தலைவர் அவரோடு மிக இறுக்கமான உறவை பேணினார் என்றே கூற வேண்டும். ஆனபோதும், பசீரினதும் ஹசனலியினதும் தலைவரோடு கொண்ட நெருக்கம் மெதுமெதுவாக விரிசலடையத் தொடங்கி இன்று கிட்டத்தட்ட ஒரு பிளவின் நிலையை நெருங்கிக் கொண்டிருக்கின்றது.

இவ்வாறான ஒரு முரண்பாட்டு நிலையை முஸ்லிம்கள் ஒருபோதும் விரும்பவில்லை. முஸ்லிம் அரசியல்வாதிகளும் அரசியல் கட்சிகளும் ஒரு குடையின் கீழ் வர வேண்டும் என்றே மக்கள் எதிர்பார்த்துக் கொண்டிருக்கின்றனர். இவ்வாறிருக்கையில் ஏற்கனவே பல துண்டுகளாக உடைந்த முஸ்லிம் காங்கிரஸ் கட்சிக்குள் இன்னுமொரு பிளவு ஏற்பட்டு விடக் கூடாது என்பதே மக்களின் பிரார்த்தனையாக இருக்கின்றது. எது எவ்வாறிருந்தாலும்,சில சந்தர்ப்பங்களில் காலநியதிகளின் அடிப்படையில் முரண்பாடு என்பது தவிர்க்க முடியததாகி விடுவதைக் காண்கின்றோம். அந்த வகையிலேயே, பசீர் சேகுதாவூத் மற்றும் ஹசனலி ஆகியோர் தலைவர் ஹக்கீமுக்கு எதிரான இருமுனை நகர்வுகளை ஆரம்பித்திருக்கின்றனர்.

மு.கா. தலைவர் றவூப் ஹக்கீமுக்கும் – அப்போது செயலாளராக பதவி வகித்த பசீர் சேகுதாவூத்திற்கும் இடையில் கருத்து மோதல்கள் உக்கிரமடையத் தொடங்கிய வேளையில், அவர் தலைவரை பயங்காட்டும் அறிக்கைகளை வெளியிட்டார். இரகசியங்களை வெளியிடப் போவதாக சொன்னது மட்டுமன்றி சிலவற்றை பட்டும்படாமல் நவீன ஊடகங்களுக்குச் சொல்லியும் இருந்தார். இந்நிலையிலேயே பசீர் தவிசாளர் பதவியில் இருந்து நீக்கப்பட்டார். அவர் மீதான விசாரணை இன்னும் ஆரம்பிக்கப்படவில்லை.

இப்போது பசீரின் பக்கத்தில் ஒரு அமைதி நிலவுகின்றது. விசாரித்துப் பார்த்ததில்,அவரது மௌனத்திற்குப் பின்னால் மர்மங்கள் இருப்பதாகவும் பாரிய பதிலடி ஒன்றுக்கு அவர் தயாராகிக் கொண்டிருப்பதாகவும் அவருக்கு நெருக்கமாக தரப்புக்கள் கூறுகின்றன. ஆனால் அதை உறுதிப்படுத்த முடியவில்லை.

இதேவேளை வடக்கு, கிழக்கில் மு.கா.வுக்குள் இருந்து ஏற்கனவே பிரிந்த சென்ற அரசியல்வாதிகள் மற்றும் ஏனைய தரப்பினரை ஒன்றாக இணைக்கும் முஸ்லிம் கூட்டமைப்பு ஒன்றை நிறுவுவதற்கான வேலைகளிலும் பசீர் மும்முரமாக ஈடுபட்டுள்ளதாகவும் பல அரசியல்வாதிகள் கொள்கையளவில் சம்மதம் தெரிவித்துள்ளதாகவும் அறிய முடிகின்றது. இவ்வாறான நேரத்திலேயே மு.கா.வின் முன்னாள் செயலாளர் நாயகம் எம்.ரி.ஹசனலியும் இப்போது களத்தில் குதித்திருக்கின்றார்.

கடந்த பேராளர் மாநாட்டுக்குப் பிறகு மார்க்க யாத்திரை ஒன்றுக்கு சென்று திரும்பியிருந்த ஹசனலிமறைந்த தலைவர் எம்.எச்.எம்.அஷ்ரஃபின் அடக்கஸ்தலத்திற்கு சென்று பிரார்த்தனையில் ஈடுபட்ட பிற்பாடு அவர் கட்சியின் ஆதரவாளர்களுக்கும் மக்களுக்கும் அழைப்பு விடுக்கும் ஒரு ஒலிப்பதிவை அனுப்பியிருந்தார்.

ஹசனலியின் குரல்

“1985ஆம் ஆண்டு காலப்பகுதியில் கட்சியை அரசியல் இயக்கமாக கொண்டு செல்லவேண்டிய நிலை உருவானபோது தலைவர் அஷ்ரஃப் ஒரு உருக்கமான ஒரு வேண்டுகோளை விடுத்தார். ஆறில் ஐந்து பெரும்பான்மையை கொண்ட ஒரு பலமான அரசாங்கத்தையும் 16 ஆயுதக்குழுக்களையும் எதிர்த்து இக்கட்சியின் செயற்பாடுகளை நாம் முன்னெடுக்கும் போது பல்வேறு தியாகங்களை நாம் செய்ய வேண்டி ஏற்படலாம் அவற்றில் மிக உயர்ந்த தியாகமாக நமது உயிர்களும் பறிக்கப்படலாம். அந்த தியாகத்தை செய்ய நீங்கள் தயார் என்றால் மாத்திரமே இந்த போராட்டத்தை முன்னெடுக்க முடியும் என்று கூறினார். அதனை உறுதிப்படுத்தும் நோக்கோடு ஒரு மரண சாசனத்தில் கையொப்பமிடுமாறு வேண்டினார். அதில் அவரே முதலில் கையொப்பிட்டார். நான் உட்படமேலும் சிலரும் கையொப்பமிட்டோம்” என்று ஹசனலி அதில் கூறியுள்ளார்.

“அப்போது எங்கே போவதற்காக இந்த கட்சியை ஆரம்பித்தோமோ அதற்கு தொடர்பில்லாமல் கட்சி இப்போது பயணித்துக் கொண்டிருக்கின்றது. வடக்கு கிழக்கில் முஸ்லிம்களுக்கு நிலத்தொடர்பற்ற அரசியல் அதிகாரத்தை மறைந்த தலைவர் வலியுறுத்தினார். அந்த கொள்கையினால் ஈர்க்கப்பட்டு நானும் நீங்களும் அவர் பின்னால் பயணித்தோம். ஆனால் அவர் மரணித்த பிறகு அந்த இலக்கை நோக்கி இந்த 17 வருடங்களும் ஒரு அங்குலமாவது முன்னேறவில்லை என்பதே மிகவும் மனவருத்தமானது. குறிப்பாக கடைசியாக நடைபெற்ற பேராளர் மாநாட்டு தீர்மானத்தில் கூட முக்கியமான கரையோர மாவட்ட கோரிக்கை கைவிடப்பட்டிருக்கின்றது. எனவே, எஞ்சிய வாழ்நாட்களை ஒரு புதிய வடிவில் போராடுவதற்கான ஒரு தீர்மானத்தை நான் எடுத்திருக்கின்றேன். இதற்கு உங்களது ஆதரவையும் எதிர்பார்க்கின்றேன”; என்று ஹசனலி அந்த ஒலிப்பதிவில் குறிப்பிட்டுள்ளார்.

இதனைத் தொடர்ந்து தனது சொந்த ஊரான நிந்தவூருக்குச் சென்று மக்களைச் சந்தித்துள்ளார். நிந்தவூர் ஜூம்ஆ பள்ளிவாசலில் கடந்த புதன்கிழமை இரவு மக்களைச் சந்தித்த ஹசனலி கட்சிக்கும் மக்களும் இந்த சமூகத்திற்கும் நடந்திருக்கின்ற அநியாயங்களை முன்னிலைப்படுத்தி இருக்கின்றார். கட்சியை அஷ்ரஃ;பின் கொள்கைகளுடனான மக்கள் சார்ந்த அரசியல் இயக்கமாக மறுசீரமைக்கும் தனது உத்தேசத்தை அவர் வெளியிட்ட போது, அதற்கு மக்கள் தமது ஒப்புதலை வழங்கியதாக கூறப்படுகின்றது. இந்நிலையிலேயே தனது நிலைப்பாடு தொடர்பாக அறிவிக்கும் ‘மரத்தின் வேர்களுக்கு விளம்பல்’ எனும் முதலாவது பொதுக் கூட்டத்தையும் கடந்த வெள்ளிக்கிழமை நடாத்தியிருக்கின்றார்.

சாது மிரள்தல்

ஹசனலி சாதுவான ஒருவராக கட்சிக்குள்ளும் வெளியிலும் பார்க்கப்பட்டவர். தலைவரை அளவுக்கு அதிகமாக நம்பியவர். தேசியப்பட்டியல்  குளறுபடி, செயலாளர் நாயகத்தின் பதவி குறைப்பு என பல கைங்கரியங்கள் இடம்பெற்ற பிறகும் இம்முறை நடைபெற்ற கட்டாய உயர்பீடக் கூட்டத்தில் றவூப் ஹக்கீமை மீண்டும் தலைவராக பிரேரித்தவரே ஹசனலிதான்;.பேராளர் மாநாடு நடைபெறும் தினம் வரைக்கும், கட்சியை சட்டச் சிக்கலுக்குள் மாட்டிவிடுவதற்கு இரண்டுமூன்று வாய்ப்புக்கள் கிடைத்தும் அதை அவர் பயன்படுத்தவில்லை. அது அவரது பலவீனம் என்று சொல்லி விமர்சிப்பவர்களும் இருக்கின்றார்கள்.

எனவே இப்பேர்ப்பட்ட ஹசனலி தனக்கெதிரான அரசியலில் களமிறங்குவார் என்று மு.கா. தலைவர் நினைத்திருக்கவே மாட்டார். அவர் மட்டுமல்ல மு.கா. முக்கியஸ்தர்களும் அவதானிகளும் கூட அவ்வாறே கருதினர். ஹக்கீம் மீண்டும் வந்து ஏதாவது எம்.பி.கதை சொல்லி கெஞ்சினால்… பதவிக்கு ஆசைப்பட்டோ அல்லது மனமிரங்கியோ ஹசனலி ஹக்கீமேடு சேர்ந்து விடுவாரோ என்று பலரும் எண்ணினர்.அதற்கு அவரது சுபாவம் ஒரு காரணம். மற்றது, சில மாதங்களுக்கு முன்னர் எம்.பி. பதவி தேவையில்லை என்று அறிவித்திருந்த ஹசனலி பிறகுஒரு தடவை எம்.பி.யை செயலாளர் அதிகாரம் கிடைக்கும் வரை பிணையாக பெற்றுக் கொள்ள இணக்கம் தெரிவித்திருந்தமை ஆகும்.

மு.கா. கிழக்கு மக்களின் சொத்தாகும். எனவே அதன் மையப்புள்ளியும் அதிகார மையமும் கிழக்கில் இருக்க வேண்டும் என்பதே மக்களினது கட்சியின் ஆரம்பகால போராளிகளதும் நிலைப்பாடாகும். கிழக்கிற்கு வெளியில் இருப்பவர் தலைவராக இருந்தாலும் கிழக்கிற்குரிய அந்தஸ்து வழங்கப்பட வேண்டும் என்பதே இதன் அர்த்தமாகும். மாறாக, இன்று சிலர் கதை புனைவது போல கிழக்கு முஸ்லிம்கள் பிரதேசவாதம் பேசவில்லை. தமிழர்களுக்கு வடக்கு எப்படி அடிப்படை தளமோ அது போலவே முஸ்லிம்களுக்கும் கிழக்காகும். எனவே, இங்கு அரசியல் பலமும் அதிகாரமும் தலைமைத்துவமும் உறுதியாக இருப்பது அவசியம் என்ற கோணத்திலேயே கிழக்கின் முற்போக்கு அரசியல் சிந்தனையாளர்கள் உள்ளனர் என்பதை வெளியில் இருப்போர் விளங்கிக் கொள்ள வேண்டும்.

சூடான ஆடுகளம்

ஒரு முஸ்லிம் கூட்டமைப்பை உருவாக்கி அதன்மூலம் மு.கா.வின் தலைமையை எதிர்த்தாட பசீர் சேகுதாவூத் தயாராகிக் கொண்டிருக்கின்ற நிலையில் இப்போது ஹசனலியும் இப்போது களத்தில் குதித்திருக்கின்றார். அதாவது மு.கா. தலைமையும் அவரோடு உடன்படுபவர்களும் இன்று இருமுனை நகர்வுகளை எதிர்கொண்டுள்ளனர். முஸ்லிம் கூட்டமைப்புடன் ஹசனலி இப்போது சேர மாட்டார் என்றும், இரு தரப்பும் இரு வௌ;வேறு உத்திகளுடன் செயற்படும் என்றும் தெரியவருகின்றது. குறிப்பாக, ஹசனலி தலைவர் ஹக்கீமின் தனிப்பட்ட விடயங்களை அல்லாமல் கட்சி அரசியல் சார்;ந்த விமர்சன அரசியலையே செய்வார் என்று எதிர்பார்க்கப்படுகின்றது.

தம்முடைய சொத்தான ஸ்ரீலங்கா முஸ்லிம் காங்கிரஸ் கட்சியின், செயலாளரும் தவிசாளரும் தூக்கி வீசப்பட்டுள்ள நிலையில் அதிகாரம் குறைந்த செயலாளரை நியமித்து, அதிகாரம் எல்லாம் எங்கோ ஒரு புள்ளியில் குவிக்கப்பட்டிருப்பதை கிழக்கில் உள்ள புத்தியுள்ள மு.கா. ஆதரவாளர்கள் ஆழமாக சிந்திக்கின்றனர். முஸ்லிம் காங்கிரஸி;ல் கிழக்கு மாகாணத்தவர்களுக்கு இருந்த அதிகாரமும், செல்வாக்கும் பல நியாயங்களின் பேரில் குறைவடைந்து போவதைப் போல அவர்கள் உணர்கின்றார்கள் என்பதை நன்றாக புரிந்து கொள்ளக் கூடியதாக இருக்கின்றது.

சுருங்கக் கூறின், மு.கா. தலைவருக்கு எதிரான விமர்சனங்களும் மு.கா. கட்சி செய்யத் தவறிய கடமைகள் பற்றிய குறைகளும் மக்கள் மனதில் நிறைந்திருக்கின்ற ஒரு சூழலிலேயே ஹசனலியும் பசீரும் களமிறங்கியிருக்கின்றார்கள்.
தனிவழியில் களமிறங்கியுள்ள ஹசனலியோடு அம்பாறை மாவட்டத்தில் உள்ள பல முக்கியஸ்தர்கள் கைகோர்த்திருப்பதாக சொல்லப்படுகின்றது.

குறிப்பாக அட்டாளைச்சேனை பிரதேச சபையின் முன்னாள் தவிசாளர், நிந்தவூர் பிரதேச சபையின் முன்னாள் தவிசாளர் உள்ளடங்கலாக பல பிரதேசங்களின் கட்சித் தூண்கள் ஹசனலி பக்கம் சாய்ந்திருப்பதாக அறியமுடிகின்றது. அது மட்டுமன்றி,இந்த முன்னெடுப்புக்கு மக்கள் ஆதரவு பெருகத் தொடங்கினால் மேலும் பலரும் இந்தப் பக்கம் வருவார்கள் என்று ஊகங்களும் வெளியாகிக் கொண்டிருக்கின்றன.

புரிய வேண்டியது

மு.கா. தலைவர் றவூப் ஹக்கீம் இவ்விடத்தில் மிகவும் உன்னிப்பாக சிந்திக்க வேண்டும். உசுப்பேற்றி விடுகின்றவர்களின் கதைகளைக் கேட்காமல் அடிமட்ட களநிலைமைகளை அவரே நேரடியாக உணர்ந்து செயற்பட வேண்டும். தம்முடன் இருப்பவர்களில் பலர் நிரந்தரமானவர்கள் இல்லை என்பதையும், ஆதரவு கூடுகின்ற பக்கம் தன்னை கைவிட்டுவிட்டு சென்று விடுவார்கள் என்பதையும் அவர் நினைவிற் கொள்ள வேண்டியிருக்கின்றது.
மிக முக்கியமாக, யார் தமக்கெதிராக களமிறங்கினாலும் மக்கள் மனங்களில் முஸ்லிம் காங்கிரஸ் இன்னும் இருக்கின்றது. அதனது சில செயற்பாடுகளும் அதன் தலைமைத்துவத்தின் ஒருசில போக்குகளே விமர்சனத்திற்கு உள்ளாகியுள்ளன என்பதை அறிந்து, தமது செயற்பாடுகளை மறுவாசிப்பு செய்ய வேண்டும். அதைவிடுத்து விமர்சகர்களை வசைபாடுவதாலும் எதிர்தரப்பை குறைத்து மதிப்பிடுவதாலும் ஆகப் போவது ஒன்றுமில்லை.

அதேவேளை,மு.கா.வின் தலைவர் ஹக்கீம் இதைவிடப் பெரிய பிரளயங்களை எல்லாம் இதற்கு முன்னரும் சந்தித்திருக்கின்றார். அப்போதெல்லாம் அவரை தோற்கடிக்கவோ மாற்றவோ முடியவில்லை என்பதை ஹசனலியும் பசீரும் விளங்கிக் கொள்ள வேண்டியுள்ளது. மறுபுறத்தில், அவ்வாறு தோற்கடிக்காவிட்டாலும்,மு.கா.வின் வாக்குவங்கிகளில் இருந்து கணிசமான வாக்குகளை பிரித்தெடுத்து தனியே அரசியல் செய்வது பெரிய காரியமல்ல என்பதை றிசாட் பதியுதீனையும், அதாவுல்லாவையும் பார்த்து மு.கா. தலைவர் விளங்கிக் கொண்டு முன்னெச்சரிக்கையும் செயற்பட வேண்டும்.

இன்று மு.கா. தலைவரை எதிர்க்கும் விதத்திலமைந்த அரசியலுக்கு சாதகமான சூழல் இருக்கின்றது என்பது உண்மை என்றால், ஹசனலிக்கும் பசீருக்கும் நல்லதொரு களமாக இது அமையும். சரியான தெளிவுடன் முன்னெடுக்கப்பட்டால் மக்கள் ஆதரவும் அதிகரிக்கலாம். ஒருவேளை இன்னும் மூன்றுமாதங்களுக்குள் நடைபெறவுள்ள தேர்தல் ஒரு பலப்பரீட்சைக்கான பரிசோதனைக் களமாக அமையலாம். ஆனால் இவ்விடத்தில் ஒரு விடயத்தை கூர்ந்து கவனிக்க வேண்டும்.

முஸ்லிம் சமூகத்தின் அரசியல் போராட்டம் என்பது ஒரு தனிநபரை வசைபாடுவதாக, அவரது செயற்பாடுகளை காலம் முழுக்க விமர்சித்துக் கொண்டிருப்பதாக இருக்க முடியாது. பசீரும் ஹசனலியும் முஸ்லிம் கூட்டமைப்பும் – மு.கா.வையும் அதன் தலைவரையும் வெறுமனே குற்றம்சாட்டிக் கொண்டிருந்தால் கூட்டத்தில் கைதட்டல் பெறலாமே தவிர சமூகத்தின் அபிலாஷைகளை பெற முடியாது.எனவே,வடக்கில் கிழக்கில் உள்ள முஸ்லிம்களுக்கு எது தேவையோ அதனைப் பெறுவதற்கான அரசியல் முன்னெடுப்பாக இந்த இருமுனை நகர்வுகளும் அமைய வேண்டும். அவ்வாறு செய்யும் போது, அது சரியென மக்கள் ஏற்றுக் கொண்டால் அதன்பக்கம் மு.கா. தலைவரும் அவரோடு இருப்பவர்களும் வந்தாக வேண்டும். இல்லாவிட்டால் காலஓட்டத்தில் அரசியல் நீரோட்டத்தில் அவர்கள் அடித்துச் செல்லப்பட்டு விடுவாhர்கள். இது மறுதலையாக இடம்பெற்றால் மு.கா. வின் இன்றைய தலைமை மேலும் பலம் பெறுவதே யதார்த்தமாக இருக்கும்.

எனவே, இவ்விடத்தில் முஸ்லிம் மக்கள் அரசியல்வாதிகள் எல்லோருடைய செயற்பாடுகளையும் சீர்தூக்கிப்பார்த்து நியாயத்தின் பக்க நிற்க வேண்டும்.
மக்களுக்கு நல்லது நடந்தால் போதுமானது.

– ஏ.எல்.நிப்றாஸ் (வீரகேசரி 07.03.2017)

image

image

image

ஒரு பச்சோந்தியின் பச்சைக் கிளி
***********************************************************
(ஒருவரின் குறைகளை வெளிப்படுத்தஅனுமதிக்கப்பட்ட 6 சந்தர்ப்பங்களைப் பற்றி இமாம் நவவி கூறும்போது “இறுதியாக ஒரு தலைமைத்துவத்தில் இருக்கும் ஒருவர் அந்தப் பொறுப்புக்கு பொருத்தமானவரல்ல அல்லது அவர் ஒரு பாவி என்ற காரணங்களுக்காக தனது கடமையை நிறைவேற்றவில்லை எனும் சந்தர்ப்பங்களில் ஒருவர் அவரின் குறைகளை அவரின் மீது அதிகாரம் கொண்டவர்களிடம் குறிப்பிட்டு அவரை நீக்கவோ அல்லது அவருக்குப் பதிலாக இன்னொருவரை நியமிக்கவோ முயல வேண்டும்.அல்லது அவருக்குப் பொறுப்பாக இருப்பவர்கள் அவரின் குறைகளைப் பற்றி தெரிந்து கொள்வதன் மூலம் அவரோடு நடந்து கொள்ள வேண்டிய முறையை தெரிந்து கொள்வதோடு அவரால் ஏமாற்றப் படாமல் தவிர்ந்து கொள்ளலாம். இதன் மூலம் அவரை நேர்வழிப்படுத்த அல்லது பதவியில் இருந்து விலக்க முயலலாம்”-(அல் அத்கார், ஹிப்ழுல் லிஸான்,இமாம் நவவி)

*****
நீ உண்மையைத் தெரிந்து கொள்வாய்.அது உன்னைப் பைத்தியமாக்கிவிடும்            -Aldous Huxley
……………..

அமெரிக்காவின் பொஸ்டன் நகரின் உயர் மறை தேவாலயத்தின் பாதிரியார்கள் அங்கு தேவாலயத்திற்கு கற்க வரும் இளம் பாதிரிகளை பாலியல் துஷ்பிரயோகம் செய்துகொண்டு வந்ததையும்,பின்னர் அதனை தேவாலயத்திற்குப் பொறுப்பான கார்டினல் ‘பேர்டினான்ட் பிரான்ஸிஸ் லோ’  (Berninarnd Francis Law) விற்கு அவை அனைத்தும் தெரிந்திருந்தும் அதனை வெளியே சொல்லாமல் தேவாலயத்தின் மானத்தைக் காப்பதற்காக பாலியல் துஷ்பிரயோகம் செய்யும் பாதிரிகளை பாதுகாத்துக் கொண்டும், பாதிக்கப்பட்டவர்களை அச்சுறுத்திக் கொண்டும் இருந்தார் என்ற உண்மையை பல வருடங்களுக்கு பின்னர் 2002ல் பொஸ்டன் குலோபல் பத்திரிகை போட்டு உடைத்தது.இறுதியில் விவகாரம் வத்திகானின் பாப்பரசர் வரை சென்று இறுதியாக கார்டினல் பேர்டினான்ட் பதவியை ராஜனாமாச் செய்யும் நிலை ஏற்பட்டது.

உண்மையின் பண்பே அதுதான்.வின்ஸ்டன் சேர்ச்சிலின் வார்த்தையில் சொல்வதானால் ஒரு பொய் உலகை அரைவாசித்தூரம் வரைக்கும் சுற்றிவந்துவிடும்.திடீரென உண்மை வந்து பொய்யின் ஆடையை அவிழ்த்துவிடும். ஹக்கீம் அவர்கள் இத்தனை வருடமாக மறைத்த பொய்யின் ஆடையை உண்மை வந்து அவிழ்க்கிறது. எவ்வாறு பொஸ்டன் தேவாலயம் பாலியல் துஷ்பிரயோகத்தை மறைத்த கதையை பல வருடங்களுக்கு பின்னர் பொஸ்டன் குலோப் பத்திரிகை வெளிச்சம் போட்டு தேவாலயத்தின் உண்மை முகத்தை உரித்துக் காட்டியதோ அதே போன்று ஹக்கீம் தன் மக்களுக்கும் நாட்டிற்கும் மறைத்தவைகள் பத்து வருடங்களுக்குப் பின்னர் இங்கு வெளிக்கொணரப்படுகிறது. உண்மைகள் தூங்கலாம்.சாகாது என்பது இதனைத்தான்.
கதைக்கு வருவோம்.

குமாரி தன் கதையைக் கூறி முடித்தார். ஏப்ரல் 13ம்திகதி ஹக்கீமின் வீட்டடியில் காத்துக்கொண்டிருந்தது,பின்னர் ரிஷாடின் குழுவினர் தன்னை அழைத்துக் கொண்டு சென்றது,தனக்கும் ஹக்கீமுக்கும் இடையிலான விவகாரத்தை அவர்கள் வீடியோ செய்தது, ஜனாதிபதியைச் சந்தித்தது, ஜனாதிபதி விவகாரத்தைக் கடிதத்தில் எழுதச் சொன்னது,பின்னர் பாராளுமன்றம் சென்றது என்று நடந்த அனைத்தையும் குமாரி சொல்லி முடித்தார்.

ஹக்கீமுக்கு திகில் பிடிக்க ஆரம்பித்தது.வீடியோ எப்படியும் அரசாங்கத்தில் கைகளில் இருக்கும்.எந்த நேரத்திலும் அவர்கள் அதை வைத்து மிரட்டலாம். எந்த நேரத்திலும் அதனை வெளியிடவும்செய்யலாம். ஹக்கீமின் நெற்றி முடியைப் பிடித்து தாங்கள் விரும்பிய பக்கம் ஆட்டுவிக்க முடியுமான ஒரு விவகாரம் அரசாங்கத்தின் கைகளில் கிடைத்துவிட்டது.எப்படியாவது அதனை முறியடிக்காவிட்டால் காங்கிறஸ் அன்றோடு அழிந்திருக்கும்.அதற்கு ஒரே ஒரு வழி குமாரிதான்.

குமாரியை வைத்து இன்னொரு வீடியோவை எடுக்க வேண்டும்.அதில் ரிஷாடும் அவருடைய கூட்டமும் ஜனாதிபதியுடன் சேர்ந்து தன்னை மிரட்டி ஹக்கீமிற்கும் தனக்குமிடையில் தொடர்பிருப்பதாக பொய் சொல்லச் சொன்னார்கள் என்று குமாரியை வைத்தே சொல்லச் சொன்னால் விவகாரம் முறியடிக்கப்பட்டுவிடும்.
இதனை செய்துவிட்டால் பல நன்மைகள் ஹக்கீமிற்கு கிட்டும். தனக்கு தலையிடியாக இருந்த ரிஷாடின் குழுவினரை துரோகிகள் என்று பட்டம் கட்டி கட்சியை விட்டு அகற்ற முடியும்,சந்திரிக்கா தன்மீது அநாவஸ்யமாகப் பழி சுமத்துகிறார் என்று வெளியே சொல்லிவிட முடியும்,எல்லாவற்றிற்கும் மேலாக குமாரி ஏற்கனவே பதிவு செய்திருக்கும் வீடியோவை அரசாங்கம் வெளியாக்கும் பட்சத்தில் புதிய வீடியோவைக் காட்டி குமாரியை அரசாங்கமும், ரிஷாடும் பலவந்தப்படுத்தப்படுத்தி செய்தார்கள் என்று அதையும் முறியடித்துவிடலாம்.ஒரு கல்லில் பல மாங்காய்கள் பறிக்கலாம்.

இல்லாத ஒரு உறவைப் பலவந்தப்படுத்தி ரிஷாடும் அரசாங்கமும் வீடியோ செய்து விட்டார்கள் என்று ஒரு புதிய வீடியோவை செய்வதற்கு குமாரியை எப்படி இணங்க வைப்பது?குமாரியின் பலவீனம் தன் மீது கொண்ட அபரிதமான காதல் என்பது ஹக்கீமுக்கு நன்றாகத் தெரியும்.

முஸ்லிம் காங்கிறஸின் தேசியத் தலைவர் தன்னால் அநீதியிழைக்கப்பட்டவளை மீண்டும் ஏமாற்ற முடிவு செய்தார்.

‘நான் சொல்வது படி செய்.இந்தப் பிரச்சினையை எனக்கு தீர்த்துக் கொடு உன்னை கட்டாயம் திருமணம் முடிக்கிறேன்’.ஹக்கீம் மீண்டும் வாக்களித்தார்.ஹக்கீமை மணப்பதுதான் தன் வாழ்க்கையின் இலட்சியம் என்றிருப்பவளுக்கு அந்த வார்த்தை போதுமானதாக இருந்தது.ஹக்கீமின் வலைக்குள் மீண்டும் வீழ்ந்து ஆமோதித்தாள் குமாரி.

இண்டகொண்டினெண்டல் ஹோடலில் குமாரி தங்கியிருந்த முன் அறையில் பஷீர் அவர்களும் ஹக்கீமின் பிளவர் வீதி நண்பரும் அறை ஒன்றை வாடகைக்கு எடுத்தனர்.குமாரியின் அறைக்குள் இருந்த ஏ.சீக்குள் ஒரு வீடியோ கெமரா பொருத்தப்பட்டது.ஒரு ரெகொடர் குமாரியின் கட்டிலுக்கு கீழே வைக்கப்பட்டது. இந்த சம்பவத்தைத்தான் பஷீர் தனது முகநூல் பதிவொன்றில் தெரிவித்தார் என நினைக்கிறேன்.

குமாரி ரிஷாடையும்,நஜீப் ஏ மஜீதையும் ஹோட்டலுக்கு அழைத்தார்.அந்த அழைப்பு ஹக்கீம் தங்களுக்கு விரிக்கும் வலை என்று தெரியாமல் அவர்கள் இருவரும் இன்டகொன்டினென்டலில் குமாரியின் அறை 625க்குச் சென்று கதவைத் தட்டினர். அவர்களுக்கிடையில் அன்று நடந்த அனைத்து உரையாடல்களும் ஒளித்துவைக்கப்படிருந்த ரெகோடரிலும்,கெமெராவிலும் பதிவாகின.அந்த சம்பாஷணை பின்னர் பத்திரிகையில் வந்தது.

அதில் மிகவும் சுவாரஸ்யமான விடயம் என்னவென்றால் ஹக்கீமுக்கும் குமாரிக்கும் இடையில் இருந்த உறவை உறுதிப்படுத்த ரிஷாட்,நஜீப் மற்றும் குமாரிக்கிடையில் அன்று நடந்த அந்த சம்பாஷனையே போதுமானது. அந்த முழு சம்பாஷனையையும் ஹக்கீம் பத்திரிகைக்குக் கொடுத்திருந்தார். பத்திரிகையும் அதனை வெட்டாமல் வெளியிட்டுவிட்டது. எல்லோருடைய கவனமும் குமாரி ஜனாதிபதியைச் சந்தித்ததையும், ரிஷாட் குமாரியுடன் பேசுவதையும் நிரூபிப்பதில் கவனம் செலுத்தியதால் அந்த சம்பாஷனையில் ஹக்கீமுக்கும் குமாரிக்கும் இடையில் இருந்த தொடர்பு கூறப்படுவது கவனிக்கப்படாமல் போய்விட்டது.அதனை நான் மீண்டும் மீண்டும் வாசித்த போது அவை  ஹக்கீமுக்கும் குமாரிக்கும் இடையே இருந்த உறவைத் தெளிவாகச் சாட்சி சொல்லின.அந்தப் அந்த ஓடியோ பதிவைக் கேட்பவருக்கு ஹக்கீமுக்கும் குமாரிக்கும் இடையிலான தொடர்பு உண்மையானது என்பது இலகுவாகப் புரியும். அந்த உரையாடலில் ஆங்காங்கே ஹக்கீமுக்கும் குமாரிக்கும் இடையேயான தொடர்பை உறுதிப்படுத்தும் சம்பாஷனைகளை ஒன்றுபடுத்தி நான் இங்கு தமிழில் மொழி பெயர்த்து இணைத்திருக்கிறேன்.

அந்த உரையாடல் சற்று நீளமானது.அது அன்றைய சண்டேலீடர் பத்திரிகையில் இரண்டு வாரங்களாக வெளிவந்தது.முழு உரையாடலையும் பின்வரும் இணைப்புகளில் ஆங்கிலத்தில் வாசித்துக்கொள்ளலாம்.
(http://www.thesundayleader.lk/archive/20040530/spotlight-1.htm)

(http://www.thesundayleader.lk/archive/20040523/spotlight.htm)

இணைக்கப்பட்ட உரையாடலில் ஹக்கீம் குமாரியின் விவகாரத்தை ரிஷாட் ஜம்மியதுல் உலமாவிற்கு சொல்லவிருப்பது,காங்கிறசின் மஷூரா சபை உறுப்பினர் கலீல் மௌலவி தெரிந்திருப்பது,குமாரி இன்னொரு நபரோடு பேசுவதால் ஹக்கீம் குமாரியின் மீது கோபப்படுவது,இருவருக்கும் இடையிலான விவகாரம் குமாரியின் குழந்தைகளுக்கு அந்நேரம் தெரியாமல் இருந்தது,குழந்தைகளின் எதிர்காலத்தைக் கவனத்தில் கொண்டு குமாரி ஹக்கீமுக்கு எதிராக வழக்குத் தொடர விரும்பாதது,ஹக்கீமின் பிறந்த நாளுக்கு வாழ்த்துக் கூற வந்த குமாரியை ரிஷாடின் குழுவினர் குழப்பி தங்கள் லாபங்களுக்காகப் பயன்படுத்த நினைத்தது,ஹக்கீமை அழிப்பதற்காக தனது விவகாரத்தைப் பயன்படுத்தாமல் வேறு வழிகளைத் தேடுமாறு குமாரி கூறுவது அனைத்தும் குமாரிக்கும் ஹக்கீமுக்கும் இடையிலான உறவை உறுதிப்படுத்துகின்றன.

சம்பாஷணை அனைத்தும் பதிவு செய்யப்பட்டதன் பின் குமாரி இனி ஹோட்டலில் இருப்பது பாதுகாப்பு அல்ல என்று லகி பிளாசாவிலுள்ள வீட்டிற்கு ஹக்கீம் குமாரியை அழைத்துச் சென்றார். அங்கு இனி எல்லாவற்றையும் மறந்து விட்டு புதிதாக ஆரம்பிப்போம் என்றார்.ஆனால் லக்கி பிளாசா வீட்டை விட்டு ஹக்கீம் வெளியே செல்லும் போது குமாரியை வீட்டிற்குள் வைத்துப் பூட்டி திறப்பை எடுத்துக்கொண்டே சென்றார்.பின்னர் அந்த வீட்டில் இருந்து குமாரி ரேனுகா ஹோட்டலுக்கு மாறினார்.
அன்றைய காலப்பகுதியில் சண்டே லீடர் பத்திரிகைக்கும் ஜனாதிபதி சந்திரிக்காவிற்கும் இடையில் ஒரு பெரிய பனிப்போர் நடந்துகொண்டிருந்தது. இந்த நிகழ்வு சந்திரிக்காவை அவமானப்படுத்துவதற்கு லீடர் பத்திரிகைக்கு நல்ல தீனியாக இருக்கும் என்பதால் அதன் பத்திரிகை ஆசிரியராக இருந்த லசந்த விக்ரமதுங்கவை ஹக்கீம் அணுகினார் பதிவுசெய்யப்பட்ட ஒலி,ஒளி நாடாக்களை ஒப்படைத்தார்.

நல்லதொரு தீனி கிடைத்த மகிழ்ச்சியில் லசந்த ‘நான் சந்திரிக்காவிற்கு ஒரு நல்ல பாடம் புகட்டுகிறேன்’ என்று கூறிவிட்டு தலைவர்,தளபதி,லசந்த மற்றும் எம்.டி,வீ நிறுவனத்தில் படப்பிடிப்பாளர்கள் குமாரியிடம் ஒரு பேட்டி எடுப்பதற்கு ஆயத்தமாயினர்.அந்தப் பேட்டியில் என்ன சொல்லவேண்டும் என்று ஒவ்வொன்றும் குமாரிக்கு லசந்த மற்றும் ஹக்கீமால் சொல்லிக்கொடுக்கப்பட்டது. ஜனாதிபதியாலும்,ரிஷாடினாலும் இட்டுக்கட்டப்பட்ட கதைதான் இந்த விவகாரம் என்ற தோரணையில் அந்தப் பேட்டி அமைந்திருந்தது.அந்தப் பேட்டிக்கு முன்னரும் குமாரியை மணப்பவதாக ஹக்கீம் குமாரிக்கு வாக்களித்தார்.

ரிஷாட்,நஜீப், குமாரி ஆகியோரின் ஒலி,ஒளிப் பதிவுகள் லந்த விக்ரமதுங்கவிடம் கொடுக்கப்பட்டது.  குமாரி வாக்களிப்புக்கு ஹக்கீமிடம் கடிதம் கொடுக்கும் விவகாரம் வரைக்கும் நடந்த சம்பவங்களையும்,குமாரியை சந்திரிக்கா சந்தித்து அவற்றையெல்லாம் செய்யச் சொன்னார் என்பதையும் அதற்கு ரிஷாடின் குழுவினர்கள் உடந்தையாக இருந்தனர் என்பதையும் பெரிதாகக காட்டி,ஹக்கீமுக்கும் குமாரிக்கும் இடையே இருந்த உண்மையான உறவைத்தான் சந்திரிக்காவும்,ரிஷாடும் பாவித்தார்கள் என்பதை மறைத்து ஒரு கட்டுரையை 2004 மே மாதம் 16ம் திகதி சண்டே லீடர் பத்திரிகையில் வெளியானது.

அந்தக் கட்டுரையை ‘சுரனிமாலா’ என்ற ஒருவர் எழுதியிருந்தார்.அந்தக் கட்டுரையில் குமாரியை சுரனிமாலா ‘Mrs.X என்று குறிப்பிட்டிருந்தார்.கட்டுரை வெளிவந்ததும் அரசாங்கம் திடுக்கிட்டது.அந்தக் கட்டுரையை இங்கே காணலாம்.

(http://www.thesundayleader.lk/archive/20040516/politics-more.htm)

அந்தக் கட்டுரையை எழுதிய சுரனிமாலா யார்?
                                                              தொடரும்….

மூத்த ஊடகவியலாளர் எம்.  ஜே.எம். தாஜுதீன்-

அவுஸ்திரேலியாவின் தென் பகுதி நகரான அடிலேய்ட் பிரதேசத்தில் நிகழ்ந்த கொலைச் சம்பவத்தில்  நீர்கொழும்பு பலகத்துறையைச் சேர்ந்த மன்சூர் பர்சாத் என்ற 39 வயது வாலிபர் பரிதாபமாக உயிரிழந்தார். இச்சம்பவம் தொடர்பில் அவுஸ்திரேலியா ஊடகமொன்று  பின்வருமாறு செய்தி வெளியிட்டிருக்கிறது.

வட அடிலேய்ட் பென்பீல்ட் கார்டன் தோட்டத்தில் வீடொன்றில் கண்டெடுக்கப்பட்ட இறந்த ஒருவரது சடலத்துடன் தொடர்புடைய கொலை தொடர்பில் மூவர் மீது கொலைக் குற்றம் சாட்டப்பட்டுள்ளது.

இத்துயரச்சம்பவம் தொடர்பில் வட அடிலேய்ட் பென்பீல்ட் கார்டன் தோட்டத்தில் வசிக்கும் நபர் ஒருவர் , குப்புறமாக தனது அயல் பண்ணை வீடொன்றில் இரத்த வெள்ளத்தில்  விழுந்து சடலமாக காட்சியளித்த சோக நிகழ்வை விவரித்தார்.

பீட்டர் கிப்ஸ் என்ற அயலவர் கொலை செய்யப்பட தனது அயவலரான 39 வயது நபர் மீதான கொலைத்தாக்குதல் தொடர்பில் தொடர்ந்தும் பேர் அதிர்வில் இருக்கிறார்.

இச்சம்பவம் தொடர்பில் இறந்த நபருடன் அவரது வீட்டில் வசித்து வந்த சக நண்பன் கூறியதாவது “6 பேர் அடங்கிய கும்பல் தாக்குவதற்காக துரத்தி வந்துகொண்டிருந்த போது தனது உயிரைக் காப்பாற்றுவதற்காக முற்கம்பி வேலியிநூடகாக தப்பியோட வேண்டியிருந்து” .

வழமையாக மிகவும் அமைதி சூழல்கொண்ட  பென்பீல்ட் கார்டன் பிரதேசத்தில் இடம்பெற்ற ஈவிரக்கமற்ற இம்மரணம் சம்பந்தமாக பிரதான குற்ற புலனாய்வு குழு விசாரணை நடாத்தி வரும் அதேவேளை கொலையுடன் தொடர்புடையதாக சந்தேகிக்கப்படும் மூவர் இதுவரை கைது செய்யப்பட்டுள்ளனர்.

அயலவரான பீட்டர் கிப்ஸ் சம்பவம் தொடர்பில் விபரிக்கையில்

“கடந்த வெள்ளிக்கிழமை இரவு 8 மணியளவில் நான் எனது வீட்டில் சிறிது ஓய்வெடுத்துக்கொண்டிருந்தபோது எனது  பக்கத்து வளவுக்கு வெளியே சுமார் 200 மீட்டர் தொலைவில் பாரிய வாக்குவாதத்துடன் கூடிய சண்டைச் சத்தம் எனக்கு கேட்டது. பக்கத்து வளவுக்கு முன் பகுதியில் ஒரு நபர் உடல் முழுவதும் இரத்தம் தோய்ந்த நிலையில் கடும் வருத்தத்துடன் கூக்குரலிட்டவாறு மிகவும் பலவீனமாக மயங்கி விழுவதைக் கண்டேன்.

அதே நேரத்தில் முற்கம்பியில் தொங்கியவாறு ஒருவர் மிகவும் பரிதாபமாக “யாராவது வந்து உதவி செய்யுங்க, ஐயோ ஏன்ட கூட்டாளிய கொண்டுட்டாங்க”.  என்று பாரிய அழுகைச் சத்தத்துடன் சப்தமிட்ட வண்னமிருந்தார். உடனே என்ன நடந்துள்ளது என்பதை அறிய குறித்த வீட்டுக்கு சென்று பார்ப்பதற்கு தீர்மானித்து வீட்டு சமலறையை அடைந்தபோது அங்கு கண்ட காட்சி என்னை மிகவும் அச்சமடையச் செய்தது.

பாதியளவு சாப்பிடப்பட்ட உணவு மேசையில் காணப்பட்ட அதேவேளை அடுப்பு தொடர்ந்து பற்றி எரிந்து கொண்டிருந்தது.

யாராவது இங்கு இருக்கிறாங்களா என்று பார்ப்பதற்கு சமையலறையை விட்டு வெளியே வந்தபோது பிரதான வாயில் வழியே ஒருவர் இரத்த வெள்ளத்தில் குப்புறமாக விழுந்து இருந்ததைக் கண்டேன்.  ஒரே ஒரு பார்வையுடன் அந்த இடத்தை விட்டு உடனே வெளியேறினேன். இரத்த வெள்ளத்தைக் கண்டவுடன் உயிர் பிழைக்க வழியில்லை என்பதை  உறுதியாக புரிந்து கொண்டேன்.”

உடனே அதிர்ச்சியில் குழப்பமடைந்த திரு கிப்ஸ் மீண்டும் காயமடைந்திருந்த வீட்டு சகபாடியக் கண்டு நடந்ததைக் கேட்டறிந்துகொண்டார்.

எட்டு வருடங்களாக வசித்து வரும் அயலவர்கள் வியாழக்கிழமை இரவு 11 மணியளவில் அங்கு நிகழ்ந்த அமைதியின்மை இக்கொலையுடன் தொடர்பிருக்க வாய்ப்பிருக்கலாம் என சந்தேகிக்கின்றனர்.

கொல்லப்பட்டவர் அங்கு இரண்டு வார காலம் மட்டுமே வசித்து வந்ததாகவும் அவர் எவராலும் மிகவும் அறியப்படாதவரகவே இருந்து வந்தார் எனவும் கூறப்படுகிறது.

கொலைச் சம்பவம் தொடர்பில் சரியாக எந்த நேரத்தில் கொலை நிகழ்ந்தது, எவ்வாறான ஆயுதங்கள் பயன்படுத்தப்பட்டன, மற்றும் கொலைக்கான காரணங்கள் போன்ற தகவல்களை பொலிசார் இதுவரை வெளியிடவில்லை.

இக்கொலை சம்பந்தமாக 34 வயது , 44 வயது , மற்றும் 48 வயது சந்தேக நபர்கள் மூவர் கைது செய்யப்பட்டு கொலைக்குற்றம் சுமத்தப்பட்டுள்ளது. இம்மூவருக்கும் பொலிஸ் பிணை மறுக்கப்பட்டதுடன்  எலிசபத் மஜிஸ்ட்ரேட் நீதிமன்றில் அவர்கள் ஆஜர்படுத்தப்படவுள்ளனர். 

பொலீசார் சம்பவம் தொடர்பான தகவல்களை குற்றத் தடுப்பாளர்களுக்கு வழங்குமாறு கோரியுள்ளனர்.

image

image

JABEER RAZI MOHAMED

“ஒரு நயவஞ்சகனின் பண்புகள் மூன்று.பேசினால் பொய் கூறுவான்.வாக்களித்தால் மாறு செய்வான்.நம்பினால் மோசடி செய்வான்’’(புகாரி)
**************************************************
ஜோ டார்பி ஈராக்கின் அபூ குரைப் சிறைச்சாலையில் பணிபுரிந்த ஒரு அமெரிக்கப் படைவீரர்.அபூ குரைப் சிறைச்சாலையின் சித்திரவதைக் கூடங்களில் சிறைக்கைதிகளுக்கு நடக்கும் அநியாங்களைப் புகைப்படங்களாக முதலில் கசியச்செய்தவர் அவர்தான். அந்த சித்திரவதைக் கூடத்திலே பணிபுரிந்துகொண்டு உங்களின் நண்பர்களின் அநீதிகளைப் பற்றி நீங்கள் ஏன் வெளியிட்டீர்கள் என்று ஜோ டார்பியிடம் கேட்கப்பட்டதற்கு அவர் பதிலளித்தார்.” இதுவரைக்கும் நான் நம்பிக்கொண்டிருந்தவைகளை அவர்கள் தகர்த்தெறிந்ததோடு இதுவரைக்கும் எனக்கு கற்பிக்கப்பட்டு வந்த யுத்த சட்டங்களையும் அவர்கள் மீறினார்கள்’’

ஹசனலியை காங்கிறசின் ஜோ டார்பி என்பேன் நான்.காரணம் ஒரு நிறுவனத்தின் செயலாளர் நாயகமாக இருந்து கொண்டு,அந்த நிறுவனத்திற்குள் நடக்கும் அநீதிகளின் ஒரு நேரடிச்சாட்சியாக இருந்து அவதானித்து விட்டு இதுவரைக்கும் தான் நம்பியிருந்த அரசியல் கனவுகளை,அரசியல் ஒழுக்க நெறியை, கட்சியின் தலைமையும் அதன் உயர் பீடமும் மீண்டும் மீண்டும் மீறும்போது,தன் அதிருப்தியை வெளியிட்டதன் காரணமாக வெளியேற்றப்பட்டு இன்று மக்கள் முன்னிலையில் காங்கிறசின் உண்மையான சுயரூபத்தைக் கசிய விட்டிருக்கிறார்.அதனால்தான் அவரை நான் காங்கிறசின் ஜோ டார்பி என்றேன் அவருடைய வாயாலே அவரின் நிறுவனத்தின் அசிங்கத்தையும், தகுதியில்லாத தலைமைத்துவத்தின் கோமாளித்தனத்தையும், முஸ்லீம் சமூகத்திற்கு எதிராக தங்கள் சுயலாபங்களுக்காக அவர்கள் இழைக்கும் அநீதியையும் கூறும்போது மக்களுக்கு ஹக்கீம் மீது கோபம் பொத்துக்கொண்டு வந்ததை நேற்றிரவு காண முடிந்தது.

ஹசனலி தான் கேட்ட அதிகாரம் பொருந்திய செயலாளர் பதவியும்,பாராளுமன்ற உறுப்பினர் பதவியும் கொடுக்கப்பட்டிருந்தால் வெளியே வந்திருப்பாரா என்ற ஒரு கேள்வியும் எல்லோருக்கும் எழுகிறது.அதற்கான பதிலையும் அவர் வெளிப்படையாகவே சொல்கிறார்.எனக்கு பாராளுமன்ற உறுப்பினர் பதவி தேவையில்லை. அதிகாரம் பொருந்திய செயலாளர் பதவிதான் வேண்டும்.அந்த செயலாளர் பதவி மூலம் தன்னைத் தனியே விட்டுவிட்டு துயில் கொள்ளும் தன் ஆத்ம நண்பன் அஷ்ரபின் புதைந்து போன கனவுகளை ஆகக்குறைந்தது ஹக்கீம் அன்ட் கொம்பனி அழிக்காமலாவது தன்னால் பாதுகாக்க முடியும் என்று அந்த மூத்த போராளி நம்புகிறார்.அத்தோடு சுயலாபத்தை மாத்திரமே கொள்கையாகக் கொண்ட தலைமையை ஓரளவு கட்டுப்படுத்த தனது அதிகாரம் கொண்ட செயலாளர் பதவி உதவும் என்றும் அவர் நினைக்கிறார்.

அவர் நேற்றிரவு கூறியவைகள்தான் ஜனநாயக அரசியலில் ஒவ்வொரு வாக்காளனுக்கும் மறைக்கப்படும் உண்மைகள்.திரைக்குப் பின்னால் நடந்தவைகள். ஒவ்வொரு அரசியல் வாதியின் சுயரூபத்தின் தத்ரூபங்கள். காங்கிறசின் ஒவ்வொரு அரசியல் நகர்வுக்கும் பின்னால் இருந்த அசிங்கமான வரலாற்றை அவர் மக்களுக்குச் சொல்லியிருக்கிறார்.அந்த அனுபவம் மக்களுக்கு மிகவும் புதிது.

எத்தனை மோசமானவர் ஹக்கீம் என்பது நேற்று பலருக்குத் தெரிந்திருக்கும்.

மாகாண சபைத்தேர்தலின்  போது மரத்தை விட்டுவிட்டு மஹிந்தவின் வெற்றிலையில் கேட்போம் என்று மன்றாடியது,ஷிராணி பண்டாரநாயகவுக்கு எதிரான பிரேரணையில் வாக்களிக்கப்போவதில்லை என்று கூறிவிட்டு தினேஷ் குணவர்தன வாக்களிப்பதற்கு இழுத்துக்கொண்டு போய்விட்டான் என்று கூறி வாக்களித்தது,நிவிங்கும சட்டமூலத்திற்கு மஹிந்தவுக்கு ஆதரவாக வாக்களித்தது,18ம் சீர்திருத்தத்தில் மஹிந்தவுக்கு ஆதரவாக வாக்களித்தது,முழு முஸ்லீம் சமூகமும் மைத்திரியுடன் இருக்க விரும்பிய போதும் கூட மஹிந்தவை ஆதரிக்க விரும்பியது.

ஹக்கீம் மஹிந்தவின் ஒரு அடிவருடியாக இருந்திருக்கிறார் என்பது தெரியவருகிறது,
முஸ்லீம் சமூகம் அனைத்தும் மஹிந்தவுக்கு எதிராக இருந்தபோதும் ஏன் ஹக்கீம் மஹிந்தவோடு இருந்தார் என்ற கேள்விக்கு ஹசனலி நேற்றைய மேடையில் பதிலளிக்கவில்லை.அந்த பதிலைத்தான் அன்றைய அதிர்வு நிகழ்ச்சியில் விலக்கப்பட்ட தவிசாளர் கூறிச்சென்றார். குமாரி கூரே,துறைமுகத்தில் செய்த ஊழல்,சல்லாப வீடியோ என்று அந்தக் காரணங்கள் பல.

அந்த காரணங்களில் ஒன்றைத்தான் நான் இதுவரைக்கும் பகுதிபகுதியாக எழுதிக்கொண்டிருக்கிறேன். அந்த விவகாரங்களை இல்லாமல் செய்ததால்தான் மஹிந்தவுக்கு ஹக்கீம் நன்றிக்கடன் செலுத்தி வந்திருகிறாரே ஒழிய காங்கிறசை வாழவைத்த மக்களுக்கு அல்ல.ஹக்கீம் அவர்கள் செய்த விபச்சாரமும்,ஊழலும்,குடியும்தான் எங்கள் சமூகம் அடிமைப்பட்டதற்கான காரணங்கள்.அதைத்தான் இதுவரைக்கும் நான் புரியவைக்க முயல்கிறேன்.அதே விடயத்தை இன்று தவிசாளரும்,செயலாளரும் கூறுகிறார்கள்.வேறு என்ன வேண்டும் உங்களுக்கு.அதை இன்னும் நம்பாமல் இருக்கும் போராளிகளுக்காகத்தான் நான் இன்னும் எழுதிக்கொண்டிருக்கிறேன்.இது ஒருவரின் தனிப்பட்ட விடயமா என்று நீங்களே தீர்மானித்துக்கொள்ளுங்கள்.

அடுத்தது, ஹக்கீம் ஒரு ஏமாற்றுக்காரர்.ஒரு புழுகு மூட்டை. ஏமாற்றுவித்தையை அக்குவேறு ஆணிவேறாகக் கற்றவர்.ஒரு மனிதனின் நற்பண்புகளைப் பாவித்து அம்மனிதனை ஏமாற்றுவதில் பெயர் போனவர்.பொய்யும் வாக்குமாறுவதும் ஒரு முனாபிகின் பண்பு என்று நபிகளார் கூறினார்கள். அனைத்தும் அழகாக ஹக்கீமுக்குப் பொருந்தி வருகிறது.

அன்று தேர்தல் நாயகத்திடம் ஹசனலி மறுத்திருந்தால் கட்சியின் சின்னம் முடக்கப்பட்டிருக்கும்.ஹசனலியை ஆமோதிக்க வைப்பதற்கு வுழூ செய்து கொண்டு வந்து ஹஸனலிக்கு முன்னாலே இரண்டு ரகஅதுக்கள் சுன்னத்து தொழுதுவிட்டு நாளை சல்மான் பாராளுமன்றப் பதவியை ராஜனாமாச் செய்கிறார். எதிர்வரும் ஜனவரி 09ம் திகதி(2017), நீங்கள் சத்தியப்பிரமாண எடுக்கலாம்.இனி மரணம்தான் எம்மைப் பிரிக்கும் என்று ஒரு முஸ்லீம் சொல்லும்போது யார்தான் நம்பமாட்டார்கள்.மறுநாள் சல்மானின் ராஜனாமாக்கடிதத்தை ஹக்கீம் ஹசனலியின் கையில் கொடுக்கும்போது யார்தான் நம்பமாட்டார்கள்.சல்மான் இதுவரைக்கும் ராஜனாமாச் செய்யவில்லை.இன்று வஞ்சிக்கப்பட்டு அனைத்தையும் பறிக்கப்பட்டு ஒரு கட்சியின் ஸ்தாபகர் வெளியே வீசி எறியப்பட்டிருக்கிறார். இப்படிப்பட்ட ஒரு ஏமாற்றுக்காரன் முஸ்லீம்களின் தலைவராக இருக்கும் வரைக்கும் நாம் ஒருநாளும் தலைநிமிரவே முடியாது.

ஹக்கீம் தனக்கு இத்தனை அநீதிகள் இழைத்தும் ஹகீமை விலக்க முற்படவில்லை.திருத்தவே முற்படுகிறார். ஹக்கீம் திருந்துவார் என்பதை ஏற்றுக்கொள்ளவே முடியாது.ஹக்கீம் திருந்த நினைத்திருந்தால் 12 வருடங்களுக்கு முன்னர் குமாரி கூரே அவரின் கண்முன் எரிந்தபோது போது திருந்தியிருப்பார்.பேருவளை பற்றி எரிந்தபோது அவர் திருந்தியிருப்பார்.’ஏண்ட வாப்பாவைத் தாங்கோ’ என்று பேருவளையில் அந்த சின்னஞ்சிறு குழந்தைகள் ஏங்கி அழுத போது ஹக்கீம் திருந்தியிருப்பார். முஸ்லீம் சமூகம் கதறி அழுதபோது திருந்தாத ஹக்கீம் ஹசனலியால் திருந்துவாரா? இல்லவே இல்லை.ஹக்கீம் திருந்தவேமாட்டார். ஹக்கீமை காங்கிறசை விட்டு ஓட ஓட விரட்டவேண்டும்.அது மக்களால் மாத்திரம்தான் முடியும்.

இங்கே நான் இணைத்திருப்பது ஹசனலியை ஏமாற்றுவதற்காக ஹக்கீம் அவர்கள் ஹசனலியிடம் அன்று கொடுத்த சல்மானின் ராஜனாமாக் கடிதம். ஹசனலி எவ்வாறு ஏமாற்றப்பட்டிருக்கிறார் என்பதற்கு இது ஒரு சாட்சி. இது போல் ஹக்கீமின் திருகுதாளங்களை வெற்று வார்த்தைகளோடு மாத்திரம் நிறுத்தாமல் ஆதாரங்களாக ஆவணங்களாக மக்கள் மன்றின் முன் நாம் ஒவ்வொன்றாகக் இன்று முதல் கொண்டுவருவோம்.

நீங்கள் ஒரு உண்மையான காங்கிறஸ் போராளியாக இருந்தால், மக்களுக்காகத்தான் தலைமை, தலைமைக்காக மக்கள் அல்ல என்ற கோட்பாட்டை நீங்கள் ஆத்மார்த்தமாக நம்பினால், இக்கட்சிக்காக கண்ணீரையும் இரத்தத்தையும் சிந்தியது உண்மையாக இருந்தால், முஸ்லிம் சமூகத்தின் வளர்ச்சி மீது உண்மையான நம்பிக்கை வைத்த ஒரு முஸ்லீமாக நீங்கள் இருந்தால் இந்தக் கடித்ததைப் பிரதிகள் எடுத்து  நஃமதுஹு வனுசல்லி அலா ரசூலிஹில் கரீம் என்று அம்பாரையில்  ஆரம்பிக்க வரும் ஹக்கீமின் போலி முகத்தில் வீசி எறிந்து விளக்கம் கேளுங்கள். முடியுமானால் ஹக்கீம் பதில் தரட்டும்.அநியாயம் இழைக்கப்பட்டவர்களின் கண்ணீருக்கும் அல்லாஹ்வுக்கும் இடையில் திரை இல்லை என்று ஹக்கீமிடம் சத்தமிட்டுச் சொல்லி விடுங்கள்.